Nurlan Noǵaev: «Jaýapkershilikten qashyp, ár basqarma shekara jasap alǵan»
Atyraý oblysy ákimdiginde 1 tamyz kúngi ótken otyrysta kásipkerlik basqarmasy men aýylsharýashylyǵy basqarmasy basshylary aimaq basshysynyń memlekettik qoldaý aiasynda sharýa qojalyqtarynda qansha jumys oryny ashyldy degen tóteden qoiǵan saýalyna jaýap bere almady.
– Sizder kez-kelgen jumys orynynyń qandai baǵdarlamamen ashylǵanyn bilýlerińiz kerek. «Bul suraq maǵan emes, basqaǵa qoiylý kerek» dep árqaisyńyz shekara jasap alǵansyzdar. Ár basqarma ózinshe ómir súrip jatyr. Aqshanyń qaida jumsalyp jatqanyn kásipkerlik basqarmasy bilmeidi, al jumyspen qamtý jáne áleýmettik baǵdarlamalar basqarmasy qansha jumys orny ashylǵanynan beihabar. Aýylsharýashylyq basqarmasy da solai. Basty maqsatymyz – tek aqsha bólý boldy ma? Aqshany bólgennen keiin basqarmalar arasynda úilestirý bolý kerek, baqylaý kerek. Biz syilyq taratatyn Aiaz Ata emespiz, – dedi ákim qaramaǵandaǵylarǵa.
Ol qyzmetkerler tiimsiz jumys atqaryp jatyr dep esepteitinin de aitty. Ákim basqarma basshylaryna óz jumystaryna tiianaqty qaraýdy, laiyqty qyzmet etýdi tapsyrdy.
Sońǵy tórt jylda Atyraý oblysynda aýyl sharýashylyǵyn qarjylyq qoldaý qorynyń qatysýymen jergilikti biýdjetten jeti paiyzdyq mólsherlememen 807 million teńge nesie berilgen. Jalpy 163 joba maquldanypty.
Derekkózi: Stan.kz
