Kezdesý barysynda úmitker jinalǵandardy óziniń sailaýaldy baǵdarlamasymen tanystyrdy. Áýesbaevtyń pikirinshe, qatardaǵy qazaqstandyqtar jyl ótken saiyn kedeilene túsýde. Azyq-túlik baǵasynyń udaiy ósýi qalypty jaǵdaiǵa ainaldy. Qarapaiym halyqtyń nesiege degen táýeldiligi kún sanap kúsheiip barady. Ulttyq bank bolsa, halyqty emes, bankirlerdi baiytyp, bazalyq mólsherlemeni joǵarylatýda.
Úmitker Ulttyq bank saiasatyn qaita qarastyrý qajettigin málimdedi. Basty nazarda oligarhat qyzyǵýshylyǵy emes, halyq jaǵdaiy turýy tiis.
Aitqandai, Qoiandy elordaǵa jaqyn ornalasqanyna qaramastan, óńirde jol jaǵdaiy, aýyz sý joqtyǵy sekildi áli de sheshilmegen birqatar máseleler bar.
Soǵan qaramastan kent – ákimderdiń tikelei sailanýynyń óńirdiń ómirine oń áser etetindiginiń jarqyn mysaly. Biyl Qoiandy ákimi bolyp jergilikti turǵyn, qandas Baqythan Soltanbai sailandy. Sóitip, máseleler sheshile bastady.
Nurlan Áýesbaev atap ótkendei, partiia barlyq deńgeidegi ákimderdi tikelei sailaýdy engizýdi kópten beri talap etip keledi. Aýyldardyń mysaly qala men oblystar ákimderiniń sailanýyn engizýdi jedeldetý qajettigin kórsetedi. Sonda ǵana jergilikti atqarýshy organdar halyqtyń igiligi úshin jumys isteitin bolady.
