Nurlan Ábdirov OSK tóraǵasy bolyp qaita taǵaiyndaldy, dep habarlaidy dalanews.kz.
Memleket basshysynyń Jarlyǵymen Nurlan Májituly Ábdirov Qazaqstan Respýblikasy Ortalyq sailaý komissiiasynyń Tóraǵasy laýazymyna taǵaiyndaldy.
Nurlan Ábdirov 1961 jylǵy 12 qańtarda týǵan. KSRO IIM Qaraǵandy joǵary mektebin, KSRO IIM Búkilodaqtyq ǵylymi-zertteý institýtynyń kúndizgi adiýnktýrasyn (Máskeý q.), Dj.Marshall atyndaǵy Qaýipsizdik máselelerin zerdeleý jónindegi Eýropalyq ortalyqta basshylyq quramnyń 4 ailyq kýrstaryn (Germaniia) bitirgen.
Zańger-quqyqtanýshy. Zań ǵylymdarynyń doktory, professor.
Eńbek qyzmeti:
09.1982 – 06.1997 jj. - IIM Qaraǵandy joǵary mektebinde oqytýshylyq qyzmet atqardy.
06.1997 – 05.2000 jj. – Qazaqstan Respýblikasynyń Esirtkini baqylaý jónindegi memlekettik komissiiasynyń hatshysy.
05.2000 – 09.2002 jj. – Qazaqstan Respýblikasy Nashaqorlyqqa jáne esirtki biznesine qarsy kúres agenttigi tóraǵasynyń orynbasary, Qazaqstan Respýblikasy Ádilet ministrliginiń Nashaqorlyqqa jáne esirtki biznesine qarsy kúres komiteti tóraǵasynyń orynbasary.
09.2002 – 06.2005 jj. – Qaýipsizdik keńesi Hatshylyǵynyń memlekettik inspektory, Qaýipsizdik keńesi Hatshylyǵy Qoǵamdyq jáne ekologiialyq qaýipsizdik bóliminiń meńgerýshisi, Qazaqstan Respýblikasy Qaýipsizdik keńesi Hatshylyǵy meńgerýshisiniń orynbasary.
06.2005 – 09.2009 jj. – Qazaqstan Respýblikasy Qaýipsizdik keńesi Hatshysynyń orynbasary – Qaýipsizdik keńesi Hatshylyǵynyń meńgerýshisi.
09.2009 – 08.2020 jj. – Qazaqstan Respýblikasy Parlamenti Májilisiniń tórtinshi, besinshi, altynshy sailanymdarynyń depýtaty, Zańnama jáne sot-quqyqtyq reforma komitetiniń tóraǵasy.
08.2020 – 09.2020 jj. – Qazaqstan Respýblikasy Parlamenti Senatynyń depýtaty.
09.2020 – 01.2022 jj. Qazaqstan Respýblikasy Parlamenti Senaty Tóraǵasynyń orynbasary.
Qazaqstan Respýblikasy Prezidentiniń 2022 jylǵy 25 qańtardaǵy № 784 Jarlyǵymen Qazaqstan Respýblikasy Ortalyq sailaý komissiiasynyń Tóraǵasy bolyp taǵaiyndaldy.
