Nur-Sultan qalasynda koronavırýspen kúresip jatqan dárigerlerdiń beınesi turǵyn úı kesheniniń qasbetinde paıda bolady. Elordanyń shyǵarmashylyq qaýymdastyǵy sýretti (mýraldy) medısınalyq qyzmetkerlerge arnaǵan, – dep habarlaıdy Nur-Sultan qalasy ákimdigi.

– Shyǵarmashylyq adamdary onlaın-konsertter ótkizip, eriktilerge kómektesip jatyr. Adamdar bir-birine qoldaý kórsetý maqsatymen birigýde.

Sýretshiler atynan osy shyǵarmashylyq joba arqyly koronavırýspen kúresip jatqan medısına salasynyń qyzmetkerlerine rızashylyǵymyzdy bildirip, «Biz birgemiz» jalpyulttyq aksıasyna qosylamyz. Mýral salýdaǵy basty maqsat – dárigerlerge alǵys bildirý!

Sizderge alǵysymyz sheksiz. Bul indetpen kúresip jatqan ár qyzmetkerdi batyr sanaımyz. Qala ákimdigine bildirgen qoldaýy  úshin alǵys aıtamyz. Úlken shyǵarmashylyq top jumys istep jatyr. Biz birgemiz! – dedi Krıstına Bekmýrzaeva.

Elorda ákimdigi shyǵarmashylyq qaýymdastyqtyń bastamasyn qoldap, qajetti tehnıkany uıymdastyrýǵa kómek kórsetti.