Jıynda Elbasymyz N.Á.Nazarbaevtyń «Qazaqstandyqtardyń ál-aýhatynyń ósýi: tabys pen turmys sapasyn arttyrý» atty Joldaýyn jergilikti jerde júzege asyrý barysy talqylandy. Eń alǵash baıandama jasaǵan aýdan ákiminiń orynbasary Altyn Eshanqulova Joldaýda kórsetilgen mejeler boıynsha aýdanda atqarylatyn jumystardy atap kórsetti.
«Statısıkanyń deregi boıynsha, elimizde eń tómengi ortasha jalaqy Túrkistan oblysynda ekeni anyqtalǵan. Joldaýdyń arqasynda myńdaǵan maqtaaraldyqtardyń jalaqysy kóteriletin boldy. Ustazdar qaýymynyń mártebesin kóterýdi de biz qolǵa alamyz. Maqtaaral aýdanyndaǵy 56 bilim berý uıasynda 4 myńǵa jýyq ustazdar qaýymy qyzmet etedi. Biz Elbasymyzdyń bul tapsyrmasyn qoldaı otyryp, eń bedeldi mamandyq sanalatyn muǵalimderdiń tek qana bilimmen aınalysýyna jaǵdaı jasaıtyn bolamyz. Qazirgi tańda Maqtaaral aýdanynda 3 aýysymmen oqıtyn 1 ǵana mektep bar. Iirjar aýyldyq okrýgi, Dıqan aýylynda ornalasqan 600 oryndyq Qajymuqan atyndaǵy jalpy orta mekteptiń ǵımaraty osy jyldyń jeltoqsan aıynda paıdalanýǵa beriledi dep kútilýde. Osylaısha Maqtaaral aýdanynda 3 aýysymmen oqıtyn mektepter múlde bolmaıdy. Biz jyl saıyn 4-5 mektep salý arqyly aldaǵy ýaqytta 2 aýysymmen oqıtyn mektepterdiń de sanyn azaıtý úshin jumys isteımiz. Elbasymyz: «2019 jyldy «Jastar jyly» dep ataýdy usynamyn!» - dedi. Bul - eń jaqsy usynys boldy. Maqtaaral aýdanynda 14 pen 29 jas aralyǵyndaǵy 36 myńǵa jýyq jastarymyz bar. Eldiń naǵyz qozǵaýshy kúshin sanalatyn bul topqa qoldaý kórsetý – Elbasymyzdyń naǵyz kóregendiligi. Biz Prezıdentimizdiń jastar saıasaty boıynsha aıtqan tapsyrmalaryn jergilikti jerde júrgize otyryp, maqtaaraldyq jastardyń áleýmettik jaǵdaıyn kóterýge kúsh salamyz» - dedi Altyn Kúntýqyzy.
Sonymen qatar, A.Eshanqulova aýdanda tirkelgen 200-den asa sport nysandarynyń esigi turǵyndar úshin aıqara ashyq ekendigin, qazirgi tańda turǵyndardyń 27%-y buqaralyq sportpen aınalysatyndyǵyn jetkizdi. Joldaýǵa sáıkes, kıeli Maqtaaral aýdany aldaǵy ýaqytta aq altyndy shıkizat kúıinde ǵana satpaı odan daıyn ónim jasaý úshin ınvestısıa quıylatyndyǵyn da atap ótti.
Kelesi sózge shyqqan «Qazaq maqta sharýashylyǵy» ǵylymı zertteý ınstıtýtynyń dırektory Ibadýlla Úmbetaev Joldaýda aıtylǵan aýyl sharýashylyǵy salasyna qatysty máselelerge toqtaldy. Aýyl sharýashylyǵynda qoldanylyp jatqan jahandyq ozyq tehnologıalar men tehnıkalardy endirý – Maqtaaral aýdanynyń basty mindeti bolýy kerektigin aıtty.
Jıyn barysynda jarys sózge mektep dırektorlary men ártúrli ult ókilderi shyǵyp, Joldaýdaǵy tapsyrmalardy jergilikti jerde oryndaý úshin kúsh biriktirý kerektigin sóz etti. Aýdan ákimi B.Asanov konferensıany qorytyndylap, Elbasynyń Joldaýy jańadan qurylǵan Maqtaaral aýdanynyń baǵyt-baǵdaryn aıyqyndap bergenin sózge tıek etti.
Maqtaaral aýdany ákiminiń baspasóz qyzmeti
