«Nur Otan» partiiasynyń ataýy «Amanat» bolyp ózgerdi
– Elimizde bolyp jatqan ózgeristerdiń bel ortasynda bizdiń partiia tur. Ashyǵyn aitqanda, partiia elmen birge jańarýy kerek. Uiymnyń qyzmetin jańa mazmunmen tolyqtyrý úshin qajetti ózgerister engizý kerek. Sondyqtan da partiiany elmen birge jańartyp otyrý kerek. Osyǵan bailanysty partiianyń sipaty men ataýyn ózgertýdi durys dep sanaimyz. Qazaqstannyń bilik basyndaǵy partiiasy ata-babalarymyzǵa taǵzym retinde «Amanat» dep atalý kerek dep esepteimiz. Biz partiianyń atyn «Amanat» dep ózgertýdi usynyp otyrmyz, – dedi Qoshanov.
Eske salaiyq, ótken jyldyń qarasha aiynda saiasi keńestiń keńeitilgen otyrysynda Nursultan Nazarbaev «Nur Otan» partiiasy tóraǵasy ókilettigin berý týraly sheshim qabyldaǵan bolatyn. Ol partiiany el prezidenti basqarýy kerektigin qadap aitty. 28 qańtarda Toqaev «Nur Otan» partiiasynyń tóraǵasy bolyp sailandy.
Aita keteiik, Prezident Qasym-Jomart Toqaev partiianyń atyn ózgertý týraly usynysty qoldady.
