"Nur Otan" Bishimbaevty qatarynan shyǵarýǵa asyqpaýda
Biyl 10 qańtarda Qýandyq Bishimbaev para aldy degen kúdikpen abaqtyǵa jabylǵanyn bárimiz bilemiz. Áli kúnge deiin tergeý, teksreý jumystary júrip jatyr. Tiisti oryndary onyń memleket qarjysyn qalai talan-tarajǵa salǵany jaiynda birneshe ret aqparat taratty. Endigi jerde Qýandyq Bishimbaevtyń sútten aq, sýdan taza degenge eshkim sene qoimasy anyq.
Al "Nur Otan" halyqtyq partiiasy bolsa, Qýandyq Bishimbaevtyń kinási tolyq anyqtalǵansha onyń qatarynan shyǵarmaityn syndy.
"Nur Otan" partiiasynyń hatshysy Qanybek Jumashev Ratel.kz saityna joldaǵan jazbasha hatynda "Qylmysty bolyp, quqyq buzǵan adamnyń aiyby sot aldynda dáleldengennen keiin ony partiia músheliginen shyǵarylady. Qýandyq Bishimbaevty "Nur Otan" partiiasynan shyǵarý týrasyndaǵy sheshim − partiia jinalysy nemese ol esepte turǵan bastaýysh partiia uiymynyń biýrosynda qabyldanady" dep pikir bildiripti.
Osylaisha "nurotandyqtar" eks-ministr Qýandyq Bishimbaevty partiia qatarynan shyǵarýǵa asyqpai, sabyrlyq tantyp otyr.
Biyl sot oryndary Bilim jáne ǵylym vitse-ministri Saiat Shaiahmetovty jemqorlyq isi boiynsha aiypty dep taýyp, oǵan qarasy sot sheshim shyǵarǵan bolatyn. Bir qyzyǵy "Nur Otan" partiiasy Saiat Shaiahmetov jemqorlyqtyń shyrmaýyna shatylǵanda, iaǵni, 2013 jyldyń qyrkúiek aiynda-aq ony partiia qatarynan shyǵaryp tastaǵany esimizde.
Sondyqtan bilik partiiasynyń Qýandyq Bishimbaevqa kelgende ii qanǵan bylǵarydai bylq-sylq ete qalýyn bizde túsine almadyq. Millionǵa taiaý múshesi bar, elimizdegi eń iri saiasi uiymnyń jemqorlyq boiynsha kúdik keltirilgen shendini qatarynda qaldyra berse, qoǵam aldyndaǵy bedeline kóleńke túsirip alýy ábden múmkin ǵoi. Muny oilaǵan partiia belsendileri bar ma eken?
