Aqordaǵa jaqyn telegram arnalardyń málimetinshe, bilikti basyp alý isinde jazasyn ótep jatqan UQK eks-tóraǵasy Kárim Másimov qana emes, sonymen qatar, eski Qazaqstannyń basqa da ókilderi bar, - dep habarlaidy Dalanews.kz.
Derekkózderdiń málimetinshe, úkimet koridorlarynda bilikti basyp alýǵa tyrysqan Másimov pen onyń qolastyndaǵylardan bólek, Májilistiń burynǵy spikeri Nurlan Nyǵmatýlin men Qazaqstannyń qarjy politsiiasynyń eks-basshysy jáne Qazaqstannyń burynǵy bas prokýrory Qairat Qojamjarovtan quralǵan triýmvirat bar.
«Mysaly Nyǵmatýlin qańtar oqiǵasy kezinde Qazaqstan Parlamentiniń eki palatasyn jáne birden Qazaqstannyń birneshe ortalyq óńirlerin baqylap otyrsa, al Qojamjarov - Qazaqstan Bas prokýratýrasynyń barlyq qyzmetkerlerin jáne Qazaqstannyń qarjy politsiiasy qyzmetkerlerin baqylap otyrdy. Sonymen qatar, Qojamjarov Qazaqstannyń eń kiminal óńiri - Jambyl oblysynda birneshe iri uiymdasqan qylmystyq topty baqylaǵan. Iaǵni Nyǵmatýlin men Qojamjarovtyń qolynda memlekettik tóńkeris sátti ótken jaǵdaida, qaraly "qańtar oqiǵalarynyń" basynda turǵan barlyq adamdy qylmystyq qýdalaýdan aman alyp, olardyń áreketi zańdy bolǵanyn qamtamasyz etýge múmkindik beretin barlyq qural boldy.
Qazirgi tańda Nyǵmatýlin de, Qojamjarov ta qaraly qańtar oqiǵasyna bailanysty eshqandai tergeýden ótken joq. Bir kezderi Ishki ister ministrligin basqarǵan Erlan Turǵymbaev ta tergeýden sytylyp, keiin ustalyp, oǵan taǵylǵan aiyp negizinde qamaýda otyr».
Endi Nyǵmatýlin men Qojamjarovtyń qańtar oqiǵasyna qatysy týraly aqparattyń kópshilik aldyna shyǵýy Turǵymbaevtyń jaǵdaiyndaǵydai ýaqyttyń enshisinde.
«Sebebi mundai aqparatty Qazaqstannyń quzyrly organdary Talǵat Mahatovqa qatysty qylmystyq protsesti qarastyrý barysynda aitýy múmkin. Mahatov – Qojamjarovtyń senimdi ókili jáne qańtar oqiǵasy kezinde Almatyda júrgen qarýly jáne qylmystyq toptyń quramynda bolǵan. Sonymen qatar, Mahatov Arman Jumageldiev - «Dikii Armanmen» bailanysty bolyp, onyń adamdaryn, memlekettik tóńkeris jasamaq bolǵan «eski Qazaqstan» ókilderin qarýmen qamtyǵan.
Mahatovqa qatysty protsess, ókinishke qarai, jabyq ótedi. Bul «eski Qazaqstannyń» qazirgi bilikti diskreditatsiialap, ózin qorǵaý úshin jasap otyrǵan áreketi. Jáne bul Qojamjarov sekildi «eski Qazaqstan» ókilderiniń Qazaqstannyń saiasi jáne biznes-elitasymen, qazirgi jáne burynǵy quqyq qorǵaý organy qyzmetkerlerimen, sot korpýsyndaǵylarymen bailanysty ekenin kórsetedi», - deidi sarapshylar.
