Kezdesý barysynda óńir basshysy Amandyq Batalov usaq mal etin óńdeý salasyn damytýda bul jobanyń mańyzy zor ekenin atap ótti.
- Elimizde 20 mln. basqa jýyq qoı bar, biraq qoı etin óńdeıtin birde de bir kásiporyn joq. Sondyqtan bul et óńdeý kesheni qurylysynyń tolyqqandy júzege asýy biz úshin asa mańyzdy. Biz óz tarapymyzdan sizderdiń kompanıanyń tıimdi jumys isteýine qajetti barlyq jaǵdaılardy jasaımyz. Barlyq ınjenerlik júıeler – elektr, jylý, gaz, káriz júıeleri tartylatyn bolady, sonymen qatar jobany júzege asyrýdaǵy jumys barysynda týyndaǵan máselelerdi sheshýge de qoldaý kórsetiledi, - dedi A. Batalov.
Sonymen qatar oblys ákimi nemis kompanıasynyń jobalaýǵa qashan kirisetinin, jobanyń jergilikti klımatqa, geografıalyq erekshelikterine qashan beıimdele bastaıtynyn, qurylystyń birinshi kezegi qashan aıaqtalyp, qoldanysqa beriletinin bilýdiń mańyzdy ekenin de tilge tıek etti. Bul oraıda kompanıa ókilderine barlyq týyndaǵan máselelerge qatysty óziniń orynbasary Serikjan Beskempirovke, «Jetisý» ÁKK» UQ» AQ men «Almaty oblysyn damytý jónindegi «Alataý» AQ basshylyqtaryna habarlasyp, birlesip jumys isteýge shaqyrdy.
- Ortaq jumystyń arqasynda jobany sátti júzege asyratynymyzǵa senimdimin. Sapaly ónim shyǵaryp, turaqty jumys oryndary ashylǵanda onyń nátıjesin kóretin bolamyz, - dedi A. Batalov.
Kezdesý qorytyndysynda oblys ákiminiń orynbasary Serikjan Beskempirov pen «BaumanGmbh&COKG» kompanıasynyń bas aksıoneri Raıner Baýmaneki jaqty yntymaqtastyqty odan ári damytý týraly memorandýmǵa qol qoıdy.
Jalpy, «BaumanGmbh&COKG» kompanıasy 1930 jyly qurylǵan, qoı etin óńdeıtin Eýropadaǵy eń iri kompanıalardyń qatarynda. Qazirgi kezde qozy etin saýdalaýdaGermanıadaǵynaryqtyń25 %,Eýropada eleýli bóligin qamtamasyz etip otyr. Investısıalyq jobanyń jalpy quny 7,1 mlrd. teńge. Birinshi kezeginiń qýaty jylyna 15 myń tonna bolsa, 2-shi kezegi – 30 myń tonna. Qurylatyn jumys oryndarynyń sany – 700-den astam. 1-shi kezeginiń júzege asyrylý merzimi 2017-2018 j.j. Kásiporyn ónimderi ishki naryqqa da jáne eksportqa da shyǵarylatyn bolady.
Almaty oblysy ákiminiń baspasóz qyzmeti
