Májilis depýtaty Erlan Saıyrov mınıstrliktegi sheneýnikterge naqty suraq qoıdy. Alaıda olardyń jaýaby depýtattyń kóńilinen shyqpady. Áńgime ormandarda qashan ınternet pen uıaly baılanys qoıylatynyna qatysty boldy, - dep habarlaıdy Dalanews.kz.

Byltyr Abaı oblysynda bolǵan órtten 14 adam opat boldy. Depýtattyń sózinshe, ormanshylar áriptesteriniń mert bolýyna dál osy ınternet pen uıaly baılanys bolmaýy da áser etkenin aıtqan. Depýtat Sıfrlyq damý jáne ınovasıalar jáne aeroǵarysh ónerkásibi mınıstrligi ókiline suraq qoıyp edi. Al vedomstvo ókili ormandardy ınternetpen qamtý múmkin emes ekenin, qutqarýshylarǵa radıo baılanys qajet ekenin aıtyp, jaýap berdi. 

"Men naqty suraq qoıdym. Ókinishke qaraı, suraǵyma jaýap ala almadym. Buǵan deıin Tótenshe jaǵdaılar mınıstrligi ókili suraqty mınıstrlikke baǵyttady.

Endi vıse-mınıstr "Sıfrlyq damý mınıstrligi naqty ne isteıdi?" degen suraqqa jaýap bere almaı otyr. Sizder nege bir-birlerińizge silteı beresizder?

Sıfrlyq damý mınıstrligine "Ormannyń ishinde erteń taǵy órt bolsa, ınternet jáne uıaly telefon bola ma, bolmaı ma?" dep naqty suraq qoıdym... Osy suraqqa kim jaýap beredi?" - dedi depýtat.

Ekologıa jáne tabıǵı resýrstar mınıstri Erlan Nysanbaev ta bul suraqqa kelgende tutyldy. Degenmen ınternet ustamaıtynyn moıyndady.