Áleýmettik jelide eks-prezident Nursultan Nazarbaevtyń uly Taýmannyń Monte-Karloda qydyryp júrgen videosy tarady, - dep habarlaidy Dalanews.kz.
Video maitanov_online Telegram arnasynda paida boldy. Beinerolikte Nazarbaevtyń Dýbaida oqyp jatqan uly qymbat kólikpen asqan jyldamdyqpen júiitkip qana qoimai, iahtasy men jeke ushaǵyn da maqtana kórsetken.
"Qazaqtar shań jutyp, kreditke belsheden batyp júrgende, Nazarbaevtyń uly Taýman Nursultanuly ákesiniń halyqtan jymqyrǵan aqshasyn Monte-Karloda shashyp júr", – delingen jazbada.
Buǵan deiin 26 naýryzda eks-prezident Nazarbaevtyń qaida júrgeni aitylǵan edi. Telegram arnalarda Nursultan Nazarbaevtyń bir top stýdentpen túsken sýreti tarai bastady.
“Chemodan gossekretov” telegram arnasyndaǵy málimet boiynsha, eks-prezident Abý-Dabide júr.
Derekkózderdiń málimetinshe, Nazarbaev 19 naýryzdan beri Birikken Arab Ámirlikterinde júr.
Ol shetelde oqyp júrgen ulymen kezdesýge barǵan.
Aita keteiik,byltyr qarashanyń basynda DALA INSIDE telegram arnasy Nursultan Ábishulynyń kóz maiyn taýysyp kitap jazyp jatqanyn habarlaǵan. Arnaǵa jetken málimet boiynsha Nazarbaev ózi ómirden ótkesin sońynan sóz ergenin qalamaǵan. Sondyqtan osy otyz jylda bastan keshkenin bir kitapqa syidyrýdy jón sanaǵan.
Kitapta saiasi aitys-tartystan bólek, jeke ómirine qatysty qym-qýyt oqiǵalardy jipke tizedi. Toqaly bar (ekinshi otbasy) ekenin tuńǵysh ret moiyndaidy. Ásel Isabaevaǵa es-tússiz ǵashyq bolǵanyn aita kele, ekeýiniń arasyndaǵy mahabbat hikaiasyn maiyn tamyzyp baiandaidy.
Odan týǵan eki ul - Taýman men Báikenniń urpaq sabastyǵyn jalǵap, áýlettiń úzilgeli turǵan úmitin qaita tiriltkenin áńgimeleidi.
Nazarbaevtyń qos murageri - at jalyn tartyp miner jasqa jetti. Taýman 2005 jyly ómirge kelse, Báiken 2008 jyly dúnie esigin ashqan.
