Qyrǵyzstanmen shekaradaǵy máseleni sheshý úshin prezidentter deńgeiinde kelissóz júrgizý kerek. Osylai dep Qyrǵyzstannyń eks-prezidenti Roza Otynbaeva málimdedi.
«Eń bastysy prezident tarapynan birinshi qadam jasalýy tiis. Prezident óziniń jaýapkershiligin sezinedi me, biledi me? Tipten keshirim suramaǵan kúnniń ózinde, Qazaqstan prezidentiniń babyn tabý kerek», - dedi Otynbaeva eki el shekarasynda bolyp jatqan jaǵdaiǵa qatysty.
Otynbaeva bul másele úkimet deńgeiinde sheshilmeidi dep esepteidi.
Qazaqstanmen shekara máselesi 10 qazanda qiyndai túsken. Qyrǵyzstannyń shekara qyzmetiniń málimetine qaraǵanda, Qazaqstan shekara ótkizý beketin kúsheitken.
7 qazanda prezident Almazbek Atambaev Qazaqstan prezidenti eldiń ishki isine aralasyp otyr dedi. Ol sonymen birge Nazarbaevty prezidenttikten úmitker Ómirbek Babanovpen kezdesip, qoldaý bildirdi dep, qazaqstandyq biznesmen Bolat Ótemuratov bolsa, ekinshi kandidat Temir Sarievti qoldap otyr dep synǵa aldy.
