Nazarbaevty qatty tańyrqatqan kontsert
«Qazaqstandyqtarǵa kórsetińizder. Keshe bizge kórsetken kontserti kúshti áser etti, ǵalamat! Sýdaǵy «Aqqý kóli»: sýdy jalań aiaq shalpyldatyp keship, biledi, sýburqaqtardy qolmen, ojaýmen jasaidy. Barlyǵy júzip júr jáne ketip qalady: qabyrǵalar, orkestr, oryndaýshylar. Jalpy ǵajap boldy, qanshama tehnika qoldanyldy. Rejisseri Olimpiada oiyndarynyń (2008 jylǵy Beijiń jazǵy oiyndary QazAqparat eskertpesi) ashylýyn qoiǵan adam eken», - dedi Memleket basshysy.
Osy oraida QR Prezidenti G20 sammiti gala-kontsetin qoiǵan qytailyq rejisserdi Qazaqstan Táýelsizdiginiń 25 jyldyǵyna arnalǵan kontsertti daiyndaýǵa shaqyrý jaiynda oilanyp qalǵanyn aitty.
«Al biz qaida jasaimyz? Esilde me? Bizde sýda jasaýǵa kelmeidi. Múmkin qardyń ústine shyǵar? Biz kóp nárseni kóremiz, biraq olar (Qytai - eskertpe) muny tamasha, aýqymdy jasai alady. Men bul jerge birinshi ret kelip otyrǵanym joq», - dedi N.Nazarbaev.
Bul rette Memleket basshysy Táýelsizdik saraiy ǵimaratynyń aýqymy QHR Halyq jinalysy Búkilqytailyq halyq ókilderi jinalysy ǵimaratyna balama retinde jasalǵanyn atap ótti.
«Táýelsizdik saraiyn men úlgi retinde aldym. Osy jerdegi Halyq ókilderi úiin kórdim, ol óte úlken, úlken jiyndar ótkizýge arnalǵan. Astanada osyndai ǵimarat salý kerek dep sheshtim. Árine, bizde mundai úlken emes. Biraq, menińshe, bizge jaraidy», - dedi N.Nazarbaev.
Eske salsaq, 1 qyrkúiekte N. Nazarbaev QHR Tóraǵasy Si Tszinpinniń shaqyrýymen G20 sammitine qatysý úshin Qytaiǵa keldi. Birinshi sessiiada Memleket basshysy jahandyq ekonomika máselelerin sheshý joldary týraly óz boljamdaryn aitty.
https://www.youtube.com/watch?v=w2DQziB8958
Derekkózi: "Qazaqparat"
