Nazarbaevqa arnalǵan «djip týr» jolǵa shyqty
Tuńǵysh Prezident saiabaǵynda Tý kóterý rásimimen bastalǵan jiyn djip týr avtoekspeditsiiasymen jalǵasty. Bul djip týrdy Jambyl oblysy ákimdiginiń kásipkerlik jáne indýstriialdy-innovatsiialyq damytý basqarmasy Qazaqstan Respýblikasy Táýelsizdiginiń 25 jyldyq merei toiyn dáripteý jáne oblystyń týristik áleýeti men Jambyl oblysynyń kórnekti, kórkem oryndarmen qonaqtardy tanystyrý maqsatynda uiymdastyrǵan.
«Atalǵan djip týr Taraz qalasynan bastaý alyp, oblystyń 5 aýdanyn, atap aitqanda Jambyl, Baizaq, T. Rysqulov, Merki jáne Shý aýdandaryn aralaityn bolady. Avtoekspeditsiiaǵa 16 djip kóligi men 50 adam qatysady dep josparlanýda, onyń ishinde ziialy qaýym ókilderi, memlekettik qyzmetkerler men stýdentter bar», – deidi «Jambyl oblysy ákimdiginiń kásipkerlik jáne indýstrialdy-innovatsiialyq damytý basqarmasy» týrizm bóliminiń basshysy Qajy Jomart Jainaquly.
Budan ózge búgin Taraz qalasynda jeńil atletikalyq júgirýden jarys ótti. Ol jarysqa qatysýshylar «QR Tuńǵysh Prezidenti saiabaǵynan» bastap, «Dostyq» ortalyq alańyna deiingi qashyqtyqty júgirip ótken. Sharaǵa qala jáne oblys turǵyndary arasynan 1500-ge jýyq adam qatysty.
Aita keteiik, avtoekspeditsiia 2 kúnge sozylmaq. Ol Taraz qalasynyń negizgi kóshelerinen júrip ótip, josparlanǵan baǵyt boiynsha aýdandarǵa saparǵa shyǵady.
