Astanadaǵy "Han Shatyr" saýda, oıyn-saýyq ortalyǵynyń bas dırektory Engın Asralan jubaıy Karına Asralanǵa Áýlın Valantın kúni quny shamamen 16 mıllıon teńge turatyn bilezik syıǵa tartqan, dep habarlaıdy Dalanews.kz "Ulysmedıaǵa" siltep.

Bul týraly Karına Asralan óziniń Instagram-paraqshasynda bólisti. “Love” degen ataýy bar karter bilezigi eki qabat gaýhar tastarmen kómkerilgen. Qazaqstandaǵy Cartier dúkeninde onyń baǵasy 15 778 400 teńge dep kórsetilgen.

I love you too Askim, – dep jazǵan Karına.  

Karına Asralan jarıalaǵan sýretterge qaraǵanda ol bul brend áshekeılerin buǵan deıin de alǵan. Otbasy Astanada elıtalyq kópqabatty úılerdiń birinde turady. Túrkıalyq bıznesmen sońǵy 10-15 jyldan beri Astanada. Jubaıy Karına Pavlodar qalasynyń týmasy. Olardyń bir ul, bir qyzdary bar. Byltyr Engın men Karına Ystambuldan vılla satyp alǵandaryn bólisti.

instagram.com/mrs.karina_a

Aıta ketý kerek, "Han Shatyr" eks-prezıdent Nursultan Nazarbaevpen baılanysy bar túrik kásipkeri Fettah Tamınjeniń kompanıasyna tıesili.

Búginde ol QDB-dan tómen paıyzben nesıe surap otyr jáne birinshi ret emes. Buǵan deıin Tamınje keramıka jáne sanıtarlyq-tehnıkalyq buıymdar shyǵaratyn zaýyt qurylysyna, sondaı-aq bes juldyzdy Rixos qonaq úıi men Tetysblu oıyn-saýyq saıabaǵynyń qurylysyna memleket tarapynan qoldaý alǵan.