Eks-prezıdent Nursultan Nazarbaevpen tyǵyz baılanysta bolǵan brıtandyq Jusan Technologies kompanıasy Qazaqstanda bıznes júrgizýden bas tartty, dep habarlaıdy Dalanews.kz.

"Túrli aıla-sharǵylardyń baqylaýyndaǵy Jusan tobynyń 8 mıllıard dollarǵa jýyq aktıvterine ıe bolǵan brıtandyq Jusan Technologies kompanıasy Qazaqstandaǵy bıznesinen bas tartýy úshin 127 mıllıon dollar aldy. Bul jaqynda brıtandyq komersıalyq tizimde jarıalanǵan Jusan Technologies kompanıasynyń qarjylyq esebinen týyndaıdy. Sonymen qatar QAZ42 Jusan Technologies-tegi úlesi úshin shamamen 8 mıllıon dollar aldy. Ol úshin buryn 20 mıllıon dollar tólegen edi. Sodan soń ol quny 10 ese kóp aksıanyń ıesi atandy. Sońǵy kompanıa Ulttyq qaýipsizdik komıtetiniń burynǵy basshysy Kárim Másimovpen baılanysy bolýy múmkin", - delingen Exit to the Sea telegram arnasynda jarıalanǵan habarlamada.

QazTAG redaksıasy Jusan Technologies kompanıasyna elektrondyq poshta arqyly bul aqparatty rastaý nemese teriske shyǵarý úshin ótinish bildirdi.

Aıta keteıik, First Heartland Jusan Bank birneshe jyldan beri Qazaqstannyń eks-prezıdenti Nursultan Nazarbaevpen belsendi túrde baılanysyp keledi. Buǵan deıin habarlanǵandaı, First Heartland Jusan Bank aksıalarynyń 78%-dan astamy "First Heartland Securities" AQ-ǵa tıesili, ol Nazarbaev Ýnıversıteti, zıatkerlik mektepter,Nazarbaev avtonomdy bilim berý uıymdary tobynyń qarjylyq holdıńiniń ınvestısıalyq bólimshesin baqylaıdy.Osy tusta First Heartland Securities-ti baqylaıtyn qurylym Jusan Technologies LTD Nazarbaev jáne onyń otbasymen baılanysyn joqqa shyǵarady.