Jeńil ónerkásiptiń jai-kúiine arnalǵan parlamenttik tyńdaýda Frantsiiada turatyn qazaq kásipker Mádi Sypataev sóz sóiledi. Qazaqstandyq Eýropada kiim-keshek satýmen ainalysatyn saýda markasynyń negizin qalaǵan. Astanaǵa kelgen ol qazaqstandyq taýar óndirýshilermen jarnama men marketing salasynda óz tájiribesimen bólisti.
– Biz qazir Dimash Qudaibergenmen jumys istep jatyrmyz. Ónimdi áli shyǵarmasaq ta, Qytaidan kóp tapsyrys túsip jatyr. Dál qazir biz osy taýarlardy ishinara Qazaqstanda da shyǵarýdy oilastyryp jatyrmyz, – dedi ol.
Aitýynsha, tanymal juldyzdardy jarnamaǵa tartý ónimdi ilgeriletýge, jalpy Qazaqstandy tanytýǵa múmkindik beredi.
– Jarnama men marketingtiń qalai jumys isteý kerektigin kórsetetin jarqyn mysal. Tabysty kompaniialar únemi óz brendin tanytýǵa belgili tulǵalardy tańdaidy, – dedi Dariǵa Nazarbaeva qazaqstandyq kásipkerdiń usynysynan keiin.
Senat spikeri elimizde jarnamaǵa tartatyn juldyzdar ónerde de, estrada da, sportta ta jetkilikti ekenin atap ótti. Tek olardy óz taýaryńdy jarnalamaý úshin birlese jumys isteýge shaqyrý kerek.
– Eger Dimash Qudaibergen tek otandyq fabrikasynyń aiaq kiimimen sahnaǵa shyqsa, jaqsy emes pe? Nemese tek otandyq kompaniianyń kostiýmin kise. Sondai aq, bul salada sport ónimderin jarnamalaityn qanshama sportshy bar. Tek ýaqyt pen aqshany aiamaý kerek. Bizdiń juldyzdar da buǵan kelisedi dep oilaimyn, – dedi Nazarbaeva.
