Nazarbaev ziiatkerlik mektebinde jas ólketanýshylardyń jobalary saralandy
Týǵan ólkeni tanyp bilýge, oqýshylardyń boiynda týǵan eldiń ereksheligi men ishki mádeniettiń qyr-syryn uǵynýǵa, patriottyq sezimdi arttyrýǵa baǵyttalǵan jobanyń onlain rejiminde ótýi qatysýshylar úshin kedergi bolmady.
Jobalardy ádil baǵalaý úshin qazylar alqasy quramyna Elbasy kitaphanasy, «Rýhani jańǵyrý» qazaqstandyq qoǵamdyq damý institýty, «Atameken» Ulttyq Kásipkerler palatasy, Astana Hub Halyqaralyq IT-startaptar tehnoparki, respýblikalyq Ulttyq mýzei, «Uly Dala skaýttary» qoǵamdyq birlestigi, «BilimInvest» Ulttyq bilim berý investorlary qaýymdastyǵy, «Kazakh Tourism» ulttyq kompaniiasy jáne birneshe ǵylymi institýttardyń ókilderi, sondai-aq IýNESKO sarapshylary kirdi.
27-30 qyrkúiek aralyǵynda bedeldi ádil-qazylar 300-ge tarta shyǵarmashylyq jumystardy baqylap, ádil baǵasyn berdi.
Nur-Sultan qalasyndaǵy Nazarbaev Ziiatkerlik Mektebiniń atynan baiqaýǵa 12 joba boiynsha 19 oqýshy ózderiniń jobalaryn qorǵady.
Nazarbaev Ziiatkerlik mektebiniń 11-synyp oqýshysy Tleýmýratin Jalǵas «Mańǵystaý oblysyndaǵy óndiristik jobalar men týristik keshenderdiń damýy» taqyrybyndaǵy óz jumysyn kópshilikke usyndy.
Jas zertteýshiniń aitýynsha qazirgi tańda dúniejúzilik sipat alyp otyrǵan týrizm salasy tek tabiǵatpen ǵana shektelmei, tarih pen arheologiialyq qazbalardyń, mádeniet pen órkeniettiń, sáýlet pen eskertkishterdiń tartymdylyǵymen, salt-dástúrdiń daralyǵymen de erekshe. Al, bul tusta bizdiń elimizdiń tarihy men tabiǵatyna sóz tabylmasy haq.
– Meniń jumysymnyń basty maqsaty – Mańǵystaý oblysyndaǵy óndiristik jobalardyń júzege asyrylýy men óńirdegi týrizm salasynyń qarqyndy damýyn zertteý. Sonymen qatar, qazirgi tańdaǵy mańyzdy ekonomikalyq kórsetkishterdiń biri – «syrtqy investitsiialar» bolǵandyqtan, men osy aimaqta salynyp jatqan jańa Rixos Water World Aktau qonaq-úi kesheni bastaǵan týristik proektter men ideialardyń QR-na ákeler ekonomikalyq, mádeni jáne áleýmettik paidasyn kórsetý. Óz basym elimizdegi óndiris pen ishki jáne syrtqy týrizm salalarynyń damýyn qoldaǵandyqtan, men dál osy taqyrypta zertteý jumysyn júrgizýdi jón kórdim! – dedi jas ólketanýshy.
Zertteý jumysy ádil qazylar alqasy tarapynan joǵary baǵalandy.
Týrizm jalpy alǵanda, memlekettiń ekonomikasyna oń nátije beredi jáne shetel valiýtasynyń quiylýyn qamtamasyz etedi. Sonymen qatar, tólem teńgerimi men jiyntyq eksport siiaqty ekonomikalyq kórsetkishterge oń yqpal jasap, halyqtyń jumyspen qamtylýyn kóbeitýge kómektesedi. Osy tusta elordalyq oqýshynyń jobasy óte ózekti.
