Májilis depýtaty Erlan Saiyrov Qazaqstanda negizsiz baiyǵan oligarhtardyń isine toqtaý kerek ekenin aitty, - dep habarlaidy Dalanews.kz.
Saiyrov ulttyq biznes jeke dara adamdardyń qolynda emes, al jappai halyqtyń igilinde bolýy tiis ekenin jetkizdi.
"Eski Qazaqstan tusynda, at tóbelindei top elimizdiń shikizat, qarjy salasyna eksplýatatsiia jasap, memlekettiń jol, temir joly, kommýnikatsiia salasyndaǵy iri memlekettik tenderlerge jón-josyqsyz ie bolyp otyrǵan. Qazaqstan azamattary oligarhtardyń kesirinen "múmkindikter teńsizdigine" ushyrap otyr. Osy úrdisti toqtatý kerek!
Mundai qubylys elimizdiń ekonomikalyq tynys-tirshiligine úles qosyp, kásipkerliktpen ainalysqysy keletin myńdaǵan qarapaiym azamattarǵa óz potentsialyn kórsetýge múmkindik bermeidi.
Nazarbaevtyń tusynda qara naryq pen kóleńkeli shemalar arqyly oligarh bolǵandardyń ornyna, halyq múddesin umytpaityn "ulttyq býrzýaziiany" qalyptastyratyn ýaqyt jetti. Ol úshin oligarhiianyń ekonomikalyq tamyryna balta shaýyp, Qazaqstanda ádil ári adal kásipkerlik jappai qubylys bolýy kerek!" - deidi depýtat.
Ol úshin Saiyrov ótken júieden mura bolyp qalǵan oligarhtardyń ekonomikalyq múddesin qorǵaýdy tyiyp, olarǵa lobbi jasaýshy toptarǵa toqtaý salý kerek ekenin ashyq aitty.
