Astana qalasynda tórt qabyrǵasyna Qazaqstan prezidenti Nursultan Nazarbaevtyń sýretteri ilingen Raýshan Uiabaevanyń úiin súrip tastady. Bilik turǵyndardy bul úiden ketýge kóndirgen.
Úi iesi Nesipkúl Uiabaeva bilikke qarsylasýdan ábden sharshaǵanyn, biraq olardyń áreketi zańsyz degennen áli tanbaǵanyn aitty.
Astana ákimdigine qarasty "Qalalyq jyljymaityn múlik" memlekettik kommýnaldyq kásiporyn jetekshisi Aleksandr Strochkovtyń aitýynsha, sot oryndaýshylary sot belgilegen ótemaqyny tólep bergenshe, bul úidiń turǵyndaryna jataqhanadan oryn usynylǵan.
Astana biligi bul úidi sot sheshimimen ótken jyldan beri súrýge talpynyp keledi, biraq ótemaqy kólemi tym az dep sanaityn turǵyndar ony bosatýdan bas tartqan.
21 sáýirde Astanada "EKSPO" halyqaralyq kórmesine daiyndyq máseleleri talqylanǵan jiynda Nazarbaev astana ortalyǵyndaǵy eski úiler qala kórkin buzyp tur degen edi.
[video width="480" height="270" mp4="https://dalanews.kz/wp-content/uploads/2017/05/170e3dcc-9e94-4464-b9e5-dd0a453d9d84_mobile.mp4"][/video]
