Nazarbaev: "Qudaiǵa shúkir, álemniń eń damyǵan 50 eliniń qataryna kirdik"
"Men kórip otyrǵan qazaqstandyqtardyń jańa býyny – Qazaqstannyń eń úlken jetistigi, memleket basshysy retinde meniń eńbegimniń eń úlken nátijesi. Búgin sizdermen kezdesip otyrǵanyma qýanyshtymyn. Qazaqstan jastary jylynyń bastalýymen quttyqtaimyn", —dedi Nazarbaev "Nur Álem" pavilonynda ótip jatqan saltanatty sharada.
Prezident qazir kóz aldymyzda jańa jahandyq órkeniet týyp jatqanyn atap ótti.
"Biz oqýshy bolǵan kezde, aýylda teledidar degen bolmaityn. Radio endi-endi paida bolyp jatqan kez, teledidar atymen joq. Iaǵni, adamzat pen álem úshin 100 jyl degen eshteńe de emes. Bul bir sát qana. Qarańyzdar, álem qalai ózgerip jatyr. Qazir ár on jyl saiyn bári ózgeredi. Sondyqtan bizdiń el qazirgi ýaqyt usynyp otyrǵan syn-qaterlerge daiyn bolýy kerek", — dedi Elbasy.
Nazarbaev jastar eldiń básekege qabilettiliginiń basty faktory ekenin aitty.
"Allaǵa shúkir, biz álemniń eń damyǵan 50 eliniń qataryna kirdik. Biraq bul jetkiliksiz. Búgin memleketter arasynda ǵana emes, adam men adam arasynda báseke júrip jatyr. Sondyqtan ǵylym men bilimdi kóteretin kreativti jastary bar el ǵana jeńedi. Men búgin soǵan kýá bolyp otyrmyn", — dedi memleket basshysy.
Derekkóz: sputniknews.kz
