"Jemqorlyqqa qarsy kúresti jalǵastyra beremiz. Sońǵy eki jylda jalpy sany 2200 shendi-sheneýnik jaýapqa tartylǵan eken. Aralarynda ministrler, ákim-qaralar da barshylyq...", — dedi Nazarbaev.
Sonymen qatar ol ázirgi kúni sotta eks-ministr Qýandyq Bishimbaev pen "Qazavtojol" bas direktoryna qatysty qylmystyq is qaralyp jatqanyn tilge tiek etti.
"Qýandyqqa janym ashidy. "Bolashaqpen" oqyttyq, úlken úmit kúttik. Arty osylai boldy. Bulardy úlken qyzmetke daiarlaýǵa qanshama ýaqyt, qyrýar qarjy jumsadyq. Árine, ókinesiń", — dedi Nazarbaev.
Aita ketelik, Bishimbaevtiń soty byltyrǵy jyldyń qarashasynda bastalǵan. Eks-ministr "Báiterek Development" isi boiynsha tergelip jatyr. Bishimbaev memleket qarjysyn qymqyrdy jáne asa iri kólemde para aldy dep aiyptalyp otyr.
Bishimbaev bolsa ózine taǵylǵan kináni moiyndaǵan joq.
Sot kezinde Nazarbaevtyń údesinen shyǵa almaǵany úshin keshirim surady.
Odan bólek sot aldynda taǵy 22 adam jaýap berýde.
