Nazarbaev Qaýipsizdik Keńesin ómir boıy basqarý quqyǵyna ıe bolýy múmkin

Dalanews 05 aqp. 2018 15:07 351

Prezıdent Nursultan Nazarbaevqa Qazaqstannyń qaýipsizdik keńesine ómir boıy tóraǵalyq etý quqyǵyn berilýi múmkin. Parlamentte  “QR Qaýipsizdik Keńesi týraly” zań jobasynda osyndaı norma qarastyryldy. Bul týraly Sputnik Qazaqstan habarlady.
“Qazaqstan Respýblıkasynyń Tuńǵysh Prezıdenti – Elbasynyń Qaýipsizdik Keńesin ómir boıy basqarý quqyǵy bar”, – dep jazylǵan “Qaýipsizdik keńesiniń quramy men qyzmetin uıymdastyrý”dep atalǵan taraýdyń 4-babynyń 2-tarmaqshasynda.

Zań jobasy Qazaqstannyń Qaýipsizdik Keńesiniń quqyqtyq mártebesi men quzyryn anyqtaıdy jáne keńes qyzmetin uıymdastyrý tártibin retteıdi.

Ol  májiliske 24 qańtarda kelip tústi, qujat májilistiń saıtynda jarıalandy.

Qaýipsizdik keńesi – BUU negizgi saıası organdarynyń biri. Uıym Jarǵysyna (24- bap) sáıkes, keńeske halyqaralyq beıbitshilik pen qaýipsizdikti qoldaý jaýapkershiligi júktelgen. Qaýipsizdik Keńesiniń basty ereksheligi – ol beıbitshilikke tóngen qaterdiń kez kelgen túrin anyqtap, belgili bir is-áreketti basqynshylyq aktisi retinde baǵalaı alady; sonymen qatar beıbitshilik pen qaýipsizdikti qoldaý nemese qalpyna keltirý maqsatynda qajetti sharalar qabyldaý jóninde usynys jasaýǵa ýákiletti. Sondaı-aq keńes beıbitshilik múddesi úshin qarýly kúsh qoldaný ne qoldanbaý máselesin jagdaıǵa baılanysty sheshýge, eger qoldana qalǵan rette, tynyshtyq ornatý úshin qanshalyqty kúsh qajettigin aıqyndaýǵa qaqyly. BUU-na jańa músheler qabyldaý barysynda basqa qújattarmen, is-árekettermen birge Qaýipsizdik Keńesiniń úsynysy bolýy shart. Qaýipsizdik Keńesi turaqty túrde júmys isteıdi.

Usynylǵan
Sońǵy jańalyqtar