Almaty qalasy mamandandyrylǵan aýdanaralyq ekonomikalyq sotynda Bostandyq aýdany prokýratýrasynyń «MańǵystaýMunaiGaz» AQ men «Kommercheskii televizionnyi kanal» AQ arasyndaǵy kelisimshartty jaramsyz dep taný týraly is qaraldy.
Sot sheshimimen Nazarbaev qory KTK-nyń 1% aktsiiasynan aiyryldy.
"Almatynyń mamandandyrylǵan aýdanaralyq ekonomikalyq soty Bostandyq aýdany prokýratýrasynyń "Kommertsiialyq televiziialyq arna" AQ aktsiialarynyń 1%-yn syiǵa tartý shartyn jaramsyz dep taný týraly talabyn qanaǵattandyrdy. Bul úles buryn "MańǵystaýMunaiGazǵa", al sodan soń Nursultan Nazarbaev qoryna tiesili bolǵan", –delingen habarlamada.
"Mańǵystaýmunaigaz" AQ KTK-nyń 1% aktsiiasyna ie bolǵan kezde aýktsionda beiindi emes aktivti satpaq bolǵan. Biraq satyp alýshylar tabylmaǵandyqtan, arnaǵa syiǵa tartylypty. Biraq artynsha aktsiia Nursultan Nazarbaev qoryna berilgen.
"Mańǵystaýmunaigaz" AQ men "kommertsiialyq telearna" (KTK) AQ arasynda jasalǵan 2016 jylǵy 19 jeltoqsandaǵy aktsiialardy syiǵa tartý shartyn jaramsyz dep tanyldy", – dedi sýdia Gaýhar Qasymbaeva.
Ol mámile "memlekettik múlik týraly" zańdy buza otyryp jasalǵanyn túsindirdi. "Mańǵystaýmunaigaz" ókili sot isin moiyndady, al KTK moiyndaǵan joq.
"Nursultan Nazarbaev qory – KTK-nyń 91,36% úlesi bar iri aktsioneri, onyń quryltaishysy – Nursultan Nazarbaev. Qor direktory – Dariǵa Nazarbaeva", – delingen habarlamada. Sot sheshimi kúshine engen joq.
DALA INSIDE telegram arnasyna belgili bolǵandai Eski Qazaqstan "bizge KTK telearnasy qanshalyqty kerek?" degen oiǵa shoma bastaǵan. Tolyǵyraq osy jerde: https://t.me/dalainside/1403
