Búgin parlamentte ótken otyrystan keiin jýrnalister ministr Erlan Saǵadievke áleýmettik jelidegi jurttyń onyń otstavkaǵa ketýin surap jatqanyn aitty.
"Mundai provokatsiialyq suraqtar qoimańyzdar. Ony sheshetin prezident. Prezident aitsa ketemin", — dep jaýap berdi tilshilerdiń suraǵyna ministr.
Aita keteiik, qoǵam belsendileri ministr Erlan Saǵadievtiń otstavkaǵa ketýin talap etip, áleýmettik jelilerde jarysa jazyp jatyr. Osyǵan deiin úshtildilik, joǵary oqý oryndarynda ejelgi qazaq tarihynyń alynyp tastalǵany azdai, endi Bilim jáne ǵylym ministriniń buiryǵymen joǵary jáne odan keiingi oqý oryndaryndaǵy mamandyqtar tiziminen "Qazaq tili", "Qazaq ədebieti", "Qazaq tarihy", "Lingvistika", "Shyǵystaný" siiaqty mamandyqtar alynyp tastalyndy degen aqparat tarady.
Saǵadiev jetekshilik etken ministrlik qazaq ultyn, tilin joiýǵa baǵyttalǵan bastamasyna narazylyq bildirgen elimizdiń bir top ǵalymy Marat Tájin, Gúlshara Ábdiqalyqova men Baqytjan Saǵyntaevtyń atyna ashyq hat joldaǵan. Biraq ministrdiń ózi muny búgin joqqa shyǵardy. Ol bul týraly estimegenin aityp, alypqashpa áńgimelerge senbeýdi surady.
