Naýryzdaǵy UBT-ny 117 myńnan asa adam tapsyrdy, dep habarlaıdy Dalanews.kz.
Ǵylym jáne joǵary bilim mınıstrligi málimetinshe, talapkerlerdiń 71,6 paıyzy testti qazaq tilinde, 28,3 paıyzy orys tilinde jáne 111 adam aǵylshyn tilinde tapsyrǵan.
Úshinshi aptanyń qorytyndysy boıynsha talapkerlerdiń 67,11 paıyzy shekti bal jınaǵan. Bes pán boıynsha ortasha bal - 63 bal. Eń joǵary nátıje - 139 bal.
UBT ótkizilgen úshinshi aptada 179 ret ereje buzý deregi anyqtalǵan.
"97 talapker smartfon, shpargalka jáne basqa da tyıym salynǵan zattardy alyp kirmek bolǵany úshin testten shettetilgen. 82 adam testileý kezinde erejelerdi buzǵany úshin aýdıtorıadan shyǵarylǵan, olardyń nátıjeleri joıylǵan", - dep jazylǵan mınıstrlik habarlamasynda.
Ózge adamdardyń ornyna kirý deregi anyqtalmaǵan.
2026 jylǵy UBT aıaqtalǵannan keıin 31 qazanǵa deıin beınejazbalarǵa taldaý júrgiziledi. Tyıym salynǵan zattardy paıdalaný nemese erejelerdi buzý deregi anyqtalǵan jaǵdaıda UBT nátıjeleri joıylady.
