UQK-niń burynǵy tóraǵasy Nartaı Dútbaevty qamaýda ustaý merzimi 26 naýryzǵa deıin uzartylǵan. Bul týraly Astana qalalyq sotynyń baspasóz qyzmeti Azattyqtyń Dútbaevtyń qamaý merzimi týraly joldaǵan resmı saýalyna bergen jaýabynda habarlady.

Astana sotynyń aqparatyna qaraǵanda, "memlekettik qupıany jarálaý" jáne "qyzmet babyn asyra paıdalaný" kúdigine ilingen Dútbaevty qamaý merzimin 17 aqpanda Esil aýdandyq №2 soty uzartqan. Sot sonymen qatar Dútbaevpen birge qamalǵan UQK-niń burynǵy qyzmetkerleri Nurlan Hasen jáne Erlan Nurtaevtyń da qamaý merzimderin 26 naýryzǵa deıin uzartqan.

UQK buǵan deıin Nartaı Dútbaev pen Nurlan Hasen jáne Erlan Nurtaevtyń 26 jeltoqsanda "memlekettik qupıany áshkereledi, bıligin jáne qyzmet babyn asyra paıdalandy" degen kúdikpen ustalǵanyn habarlaǵan. Olardyń úılerinde "tintý júrgizilip, zattaı aıǵaqtar tárkilengen".

28 jeltoqsanda kúdiktiler sot sheshimimen eki aıǵa qamalyp, UQK-niń tergeý abaqtysyna jabylǵan.

 

Derekkózi: nur.kz