Almatyda juma namazynda bolǵan oqiǵa qatysty málimet qaldaǵy Ortalyq meshittiń baspasóz qyzmeti málimdeme jasady.
Osy jyldyń 6 jeltoqsan kúni Almaty Ortalyq meshitinde alǵash ret juma namazyna kelýshiler meshit aýlasyna syimai qaldy.
Paryz namazy bastalǵanǵa deiin meshit qyzmetkerleri jamaǵatty meshit aýlasyna ornalastyrǵan. Alaida, paryz namazy bastalǵan soń meshittiń oń jaq bóligi iaǵni, M.Mámetova kóshesiniń bir bóliginde 5 minýttyq qulshylyq paryzyn óteý oryn alǵan. Saldarynan kóshe keptelisi paida boldy.
Qurmetti juma namazyna kelýshi jamaǵat! Paiǵambarymyz (s.ǵ.s.) jeti jerde namaz oqýǵa tiym salǵan. Olar: qoqys jinalǵan jerde, mal soiatyn orynda, qabir basynda, joldyń ústinde, monshada, mal sýarylatyn orynda jáne qaǵbanyń ústinde.
Jol ústinde namaz oqýdan tiym salýynyń basty sebebi, jol qozǵalysyna kedergi keltirmeý bolyp tabylady. Ol kóshemen jedel járdem kóligi, órt sóndirý kóligi nemese jumysyna asyqqan adam júretini belgili. Sondyqtan 5 minýtqa kósheni jaýyp namaz oqý qanshama uzyn-sonar kóshe kóptelisin týyndatady.
Juma namazyn oqý kezinde joldy jaýyp, basqa adamdarǵa ziian tigizýge bolmaidy. Sol sebepti, barshańyzdy namazǵa erterek kelip, tiisti kórsetilgen oryndarǵa jaiǵasýdy, joldardy jappaýdy, kólikterdi de durys orynǵa qoiýdy, talap pen tártipti qatań saqtaýlaryńyzdy suraimyz.
Almaty Ortalyq meshitiniń baspasóz qyzmeti
