Kaspi.kz basshysy ári negizin qalaýshy Mihail Lomtadze súiikti klientterine úndeý joldady. «Biz eshqashan súiikti klientterimizdi qiyn jaǵdaiǵa qaldyrǵan emespiz jáne qaldyrmaimyz. Bizge senim artqandaryńyz úshin árqaisyńyzǵa rahmet!», – dedi ol. Mihail sondai-aq kóre almaýshylar men aram piǵyldylardyń Kaspi týraly taratyp jatqan kezekti qaýesetin «aqymaqtyq» dep atady.
Videoúndeý Mihail Lomtadzeniń Youtube-tegi resmi kanalynda jariialanǵan. Tómende úndeýdiń tolyq mátinin usynamyz.
«Bizdiń súiikti klientterimiz,
Sońǵy birneshe kúnnen beri Kaspi týraly jalǵan aqparat tarap jatyr. Bizge bul týraly shaǵymdar kelip túse bastady.
Men birden bul kezekti miǵa syimaityn qaýesetter týraly jeke pikir bildirgendi jón sanadym.
Birinshi, Kaspi-diń bankrottyǵy týraly habarlamalar.
Bul naǵyz dalbasa.
Men Kaspi kompaniiasyn 2007 jyldan bastap, 15 jylǵa jýyq basqaryp kelemin. Bizdiń jetistikterimiz ben jumysymyz úshin jeke jaýaptymyn. Biz elimiz úshin kóp nárse jasadyq, klientterimiz bizdi jaqsy kóredi, mundaida kóptegen aram piǵyldylar men jaman adamdar qyzǵanyshpen qarap, aqsha tólep, ótirik qaýeset taratyp, arandatýshylyq uiymdastyryp, bárin búldirýge tyrysatyny anyq.
Biz eshqashan súiikti klientterimizdi qiyn jaǵdaiǵa qaldyrǵan emespiz jáne qaldyrmaimyz. Bizge senim artqandaryńyz úshin árqaisyńyzǵa rahmet! Biz árqashan elimizdiń, qazaqstandyqtardyń jáne árbir súiikti klientimizdiń igiligi úshin jumys isteimiz.
Ekinshiden, Qazaqstandaǵy qolma-qol dollar tapshylyǵy týraly.
Birden aitaiyn, bul Reseige qarsy sanktsiialarǵa tikelei bailanysty ýaqytsha qubylys, sonyń saldarynan ádettegi baǵyttar boiynsha qolma-qol aqshany jetkizý qiynǵa soǵýda.
Mysaly, Ýkraina men Reseidi ainalyp ótý saldarynan turaqty reisterdiń ýaqyty uzaryp ketkenin nemese múlde toqtap jatqanyn bárimiz kórip otyrmyz. Bul qolma-qol aqshany jetkizýge boiynsha da osyndai másele bar.
Ulttyq bank qazir AQSh-tan tikelei jetkizýdi uiymdastyrýmen ainalysyp jatyr jáne jaqyn arada qolma-qol aqsha ákelýge ýáde berdi.
Bul ýaqytsha tapshylyq tek qolma-qol valiýtaǵa qatysty. Kórip otyrǵanyńyzdai, dollarmen qolma-qol aqshasyz operatsiialardy erkin jasaýǵa bolady. Bul jaǵdaidyń teńgege múldem qatysy joq.
Úshinshi, Qairat Satybaldynyń keshegi tutqyndalýyna qatysty.
Bizge klientter tarapynan bul týraly suraqtar bolǵan joq. Biraq bizdiń jaýlarymyz osy faktini paidalanyp, biz týraly taǵy da jaǵymsyz pikir aitýǵa tyrysatynyna senimdimin.
Sondyqtan men bul týraly aldyn ala pikir bildirgim keledi. Qairat Satybaldynyń Kaspi-men 4 jyldan berý múldem qarym-qatynasy joq. Ol 2015-2018 jyldar aralyǵynda qysqa ýaqyt aralyǵynda Kaspi aktsionerleriniń biri boldy.
Kaspi-diń jetistigi eń aldymen, bizdiń komandanyń eńbegi. Bizdiń kóptegen kompaniialardan aiyrmashylyǵymyz bizde memlekettiń arzan aqshasy joq, memlekettik kompaniialardyń qyzmetkerlerin jalaqy alýǵa tartqan joqpyz, bizde memlekettik kompaniialardyń depozitteri joq jáne memleketten aqshany múlde almaimyz.
Memleket úshin iske qosyp jatqan qyzmetterdiń barlyǵyn óz qarajatymyz esebinen tegin, el igiligi úshin jasaimyz. Eń jarqyn mysal - sizderdiń kópshiligińiz qoldanatyn Kaspi.kz qosymshasyndaǵy Memlekettik qyzmetter servisi.
Sóz sońynda aitarym, qaýeset sózge senbeńizder! Óz maqsattaryńyzǵa jetý úshin Kaspi týraly jalǵan qaýeset taratyp, ýaqyt pen aqshany bosqa ysyrap etýdiń ornyna, memleket pen Qazaqstan halqynyń igiligi úshin eńbek etińiz. Sol úshin sizdi kóbirek qurmetteitinine senimdimin!
Bizben birge bolǵan súiikti klientterimizge taǵy da rahmet. Biz sizderdi jaqsy kóremiz, qurmetteimiz jáne sizdi eshqashan qiyn jaǵdaiǵa qaldyrmaimyz. Jáne qazaqstandyqtar jaqsy ómirge laiyq dep esepteimiz. Búgin bizdiń barlyǵymyzda bolashaq urpaq úshin jańa Qazaqstandy qurý maqsatymen birigýdiń tamasha múmkindigi bar!
Ýaqyttaryńyzdy alǵanym úshin keshirim suraimyn. Men súiikti klientterimiz ben elimizdiń igiligi úshin ary jumys istei beremin!».
https://www.youtube.com/watch?v=1fRFgKuDZ3o
