“Mıss Kazaqstan-2016” baıqaýynyń júrgizýshisi Súndet Baıǵojın tikeleı efır barysynda baıqaý qatysýshysyna turmysqa shyǵýǵa usynys jasady, dep habarlaıdy Stan.kz.

Onyń tańdaýy 19 jastaǵy Qostanaı arýy Aıtkúl Nurmanovaǵa tústi.

“Qymbatty, Aıtkúl! Búgin men kópten beri armandaǵan kún kelip jetti. Múmkin búgin sen «Mıss Qazaqstan atanbassyń, biraq men úshin sen eń sulý, eń ǵajap arý bolyp qalmaqsyń. Janym, súıkimdim, qymbattym, maǵan turmysqa shyqqanyńdy qalaımyn», – dedi sahnada turǵan telejúrgizýshi.

Aıtkúl Nurmanova birden kelisimin berdi.

Bul kúni «Mıss Qazaqstan» baıqaýynyń sahnasynda taǵy bir arýǵa usynys jasaldy. Zalda otyrǵan kórermenderdiń biri sahnaǵa júgirip shyǵyp, pavlodarlyq arý Aızat Qojabekovanyń aldynda tizerlep turyp usynys jasady. Onyń da usynysy qabyldandy.



Aıta keteıik, «Mıss Qazaqstan» baıqaýyna Qazaqstannyń 18 qalasynan 25 boıjetken qatysty. Sulýlyq báıgesinde ár qalanyń arýlarynan bólek, “Mıss Instagram” baıqaýynyń jeńimpazdary baq synasty. Al azdaǵan ýaqyttan keıin elimizdiń atynan «Álem arýy -2017» baıqaýyna qatysatyn arý anyqtalady.