Ózbekstannyń Ortalyq sailaý komissiiasy (OSK) jeksenbi kúni ótken parlament sailaýynyń bastapqy qorytyndysyn jariialady.
Oǵan sáikes, parlamentte iri fraktsiiany Ózbekstannyń liberal-demokratiialyq partiiasy quraidy.
"Ázirge 150 okrýgtiń 128-ne sailanǵan depýtattar belgili. 43 oryn Ózbekstannyń liberal-demokratiialyq partiiasyna, 35 oryn "Ulttyq jańǵyrý" partiiasyna, 21 oryn "Ádilet" sotsial-demokratiialyq partiiasyna, 18 oryn Halyqtyq demokratiialyq partiiaǵa jáne 11 oryn Ózbekstannyń ekologiialyq partiiasyna tidi", - dedi OSK jetekshisi Mirzo-Ýlýgbek Abdýsalomov.
Táýelsiz sarapshylar parlamentke ótken bes partiia da negizgi máseleler boiynsha Shavkat Mirziiaevti qoldaitynyn aitady.
OSK málimeti boiynsha, daýys berýge sailaýshylardyń 70 protsenti, iaǵni 18 797 810 adam qatysqan.
EQYU baiqaýshylary bilikke Shavkat Mirziiaev kelgeli alǵash ret ótken parlament sailaýyn básekeli túrde ótkenin málimdedi.
"Biz Ózbekstan reforma jolyna túsken jańa sailaý shynaiy, básekeli ótkenin kórdik. Biraq sailaýaldy kampaniialarynda shekteýler boldy",- dedi uiymnyń Ózbekstandaǵy baiqaýshylar jetekshisi bolǵan Georgii Tsereteli.
Táýelsiz memleketter dostastyǵy (TMD) jáne Shanhai yntymaqtastyq uiymy (ShYU) baiqaýshylary daýys berý kezinde zań buzýshylyq oryn almady dep málimdedi. Olar sailaý ashyq, zańǵa sáikes ótkenin habarlady.
