Týrizm jáne sport ministri Erbol Myrzabosynov qazaqstandyqtardyń demalys úshin jappai Ózbekstandy tańdap jatqany týraly pikirmen kelispeitinin málimdedi, dep habarlaidy dalanews.kz.
Jýrnalister Alakól men Balqashtaǵy qyzmet sapasy men infraqurylym máselelerine bailanysty týristerdiń kórshi elge bet buryp jatqanyn alǵa tartqan. Alaida ministr bul oidy joqqa shyǵardy.
"Qazaqstandyqtardyń barlyǵy Ózbekstanǵa nemese basqa elderge demalýǵa ketip jatyr deý durys emes. Ár adam qaida demalatynyn ózi sheshedi. Biri kórshi elge barýdy qalasa, bul onyń jeke tańdaýy. Biraq elimizdegi týristik oryndarǵa degen suranys joǵary ekenin kórip otyrmyz", – dedi Erbol Myrzabosynov.
Ministrdiń sózinshe, Taiaý Shyǵystaǵy ahýaldyń kúrdelenýine bailanysty biyl el ishindegi kýrorttarǵa keletin demalýshylar sany artýy múmkin. Sondyqtan óńirler jazǵy maýsymǵa daiyndalyp, týristerge qolaily jaǵdai jasaý jumystaryn júrgizip jatyr.
