Eńbek jáne áleýmettik qorǵaý ministri Birjan Nurymbetov halyqtyń qarttyqty laiyqty qarsy alýǵa aqshasy jetpeitinin aitty dep habarlaidy Dalanews.kz.
- Ókinishke orai búgingi zeinetaqy júiesi qarttyqty ýaiymsyz-qamsyz qarsy alýǵa kepildik bere almaidy. Bul júieni tez arada ózgertý kerek. Qazirde zeinetaqy júiesinen shamamen 212 myń adam zeinetaqy alady, tólemniń orta mólsheri 21 myń teńgeniń tóńireginde. 22 jylda jurttyń jiǵan-tergeni 10,8 trln teńgeni qurady. Orta eseppen bir salymshynyń jinaǵy 1 mln teńgeden aspaidy, – deidi ministr Nurymbetov.
Aitýynsha búgingi zeinetaqy júiesiniń kózge uryp turǵan úsh kemshiligi bar.
– Birinshiden, jumys isteitin jurttyń tabar tabysy tómen. Ekinshiden, zeinetaqy salymyn tóleýdegi turaqsyzdyq, sonyń saldarynan salym tóleý mindettemesi boiynsha qaryz jinalyp qalady, jumysqa kelisimshartsyz ornalasý daǵdysynan da áli arylǵan joqpyz. Úshinshiden, zeinetaqy aktivteriniń tabysy tómen, – deidi ministr.
Budan bólek ol Úkimet pen Ulttyq bank birlesip "salymshylardyń zeinetaqy júiesine degen senimin arttyrý maqsatynda atalǵan júieni modernizatsiialaý" jumysy júrgiziletinin aitty.
Sonyń negizinde jurt zeinetaqy jinaǵynyń bir bóligin naqty maqsatqa jumsai alady. Bul bastamany prezident Toqaev ta qoldap otyr.
– 2020-2024 jyldyń aralyǵynda zeinetaqy júiesindegi olqylyqtardy túzeitin bolamyz. Osy maqsatta Jol kartasyn ázirleý ústindemiz, – deidi ministr Nurymbetov.
