Ekologiia jáne tabiǵi resýrstar ministri Erlan Nysanbaev buǵan deiin Áliia Nazarbaevaǵa tiesili kompaniiamen kelisim-shart toqtaǵanyn kesip aitqan bolatyn. Artynsha Astana ákimdigi Áliia Nazarbaevaǵa tiesili "Clean City NC" qoqys shyǵarý kompaniiasymen seriktes retinde áli de jumys istep kele jatqany belgili boldy. Búgin brifingte ministr bul máseleni anyqtaý kerek ekenin aitty, - dep habarlaidy Dalanews.kz.
Ministr Nysanbaev bul aqparatty 2023 jyly kúzde málimdegen edi.
"Meniń aqparatym boiynsha, Áliia Nazarbaevanyń kompaniiasy búginde qoqys shyǵarýmen ainalyspaidy", - dedi ol Úkimettegi brifingte.
Al Astana ákimi Jeńis Qasymbektiń sózinshe, "Clean City" UK-men bes jyl buryn jasalǵan kelisim sáýirde aiaqtalady-mys.
"Búginde kompaniia búkil qala boiynsha jumys istep tur. Onymen bes-alty jyl buryn kelisim-shart jasalǵan. Biyl sáýirde qalany bes aýdanǵa bólip, konkýrs jariialaimyz. Sebebi turǵyndar sany eki esege artty. Sáikesinshe qoqys ta kóbeigen", - dedi Qasymbek.
Búgin Úkimette Erlan Nysanbaev Áliia Nazarbaevaǵa qatysy bar kompaniia týraly málimdemesine pikir bildirdi.
"Birden aitqaiyn, bul másele bizdiń quzyretimizge jatpaidy, ol jergilikti organdardyń quzyretinde. Sońǵy ret berilgen aqparat týraly mende basqa aqparat joq ekenin ǵana aita alamyn.
Maǵan Áliia Nazarbaevanyń bul kompaniiaǵa qatysy joq ekeni týraly aqparat berildi. Men basqa eshteńe aita almaimyn", - dedi Nysanbaev Úkimette ótken brifingte.
Sonymen qatar, Nysanbaev bul máseleni "anyqtaýymyz kerek" dep jaýap berdi.
Aita keteiik, buǵan deiin jýrnalist Mihail Kozachkov telegram arnasynda eks-prezident Nursultan Narzarbaevtyń qyzy Áliia Nazarbaevaǵa qatysy bar kompaniia astanalyqtardyń aqshasyn jymqyryp júrgenin aitty. Jýrnalistiń oqyrmandary Astanadaǵy úilerdiń aldynda qoqystar jinalmai jatqanyna shaǵymdanǵan.
"Astanada qoqysty tasýmen ainalysatyn kompaniia jai kompaniia emes. Kompaniia rasynda Áliia Nazarbaevamen bailanysty. Biraq onyń qyzmeti qylmystyq isti tergeýge bailanysty aqsańdap tur.
2022 jyldyń kúzinen beri firma tarifti qymbattatý arqyly astanalyqtardyń aqshasyn jymqyrǵan degen kúdikke ilingen. Onyń bir jarym jylynda saraptama júrip jatyr. Sol arqyly aqsha jymqyrylǵany dáleldenýi múmkin", - dedi Kozachkov.
