Tipti medısına salasy elimizdegi jemqorlardyń kóshin bastap tur. Ásirese, Ońtústik Qazaqstan, Mańǵystaý, Pavlodar oblystary jáne Almaty men Astanada aýyzbastyryq dámetetinder óte kóp. Al eki jyl ishinde aq halattylarǵa 200-den astam qylmystyq is qozǵalyp, 16 dáriger para alǵany úshin túrmege jabylǵan.
İsti bolǵandardyń arasynda sheneýnikter, emhana jáne departament basshylary da jetip artylady. Olar, ásirese, memlekettik tapsyrysqa tender utyp berý úshin mıllıondap aqshalaı syıaqy alýdy ádetke aınaldyrǵan. Jemqorlyqtan kóz ashpaǵan medısına salasyn retke keltirý úshin mınıstr endi tender ótkizý talaptaryn ózgertip, dárigerlerdiń jalaqysyn ósirý kerek deıdi.
– Sheneýnikter kóbine tenderdi durys ótkizbeıdi. Óıtkeni utystyń zańdy ótýin qadaǵalaıtyndar da kásipkerlermen aýyz jalasqan. Endi osynyń bári ashyq bolýy úshin ózgerister engizemiz, – dedi QR Densaýlyq saqtaý mınıstri Eljan Birtanov.
Derekkózi: ktk.kz
