— Qazir, ókinishke oraı, kez kelgen adam konsert uıymdastyra alady, ánshi óz betimen konsert qoıa beredi. Mundaı oqıǵa oryn alǵan soń, shara qoldanýǵa tıispiz. Men kórermendi syılaý kerek dep sanaımyn, — dedi Muhamedıuly májilis otyrysynan keıin.
Onyń aıtýynsha, konsert uıymdastyrý zań boıynsha rettelmegendikten osyndaı másele týyndap otyr. Mınıstr álemdik tájirıbeni mysalǵa keltirip, ózge elderde konsert qoıǵysy kelgen adam, arnaıy lısenzıa alyp, barlyq jaıtqa qatysty jaýap beretinin aıtyp ótti.
“Konsert uıymdastyrýmen arnaıy uıym aınalysatyn bolsa, sol konsertti uıymdastyrǵan adam jaýap beredi. Buǵan qalaı jol berildi, ánshi qandaı kúıde boldy? Ártúrli pikir aıtylyp jatyr, keıbireýlerge áreketi oǵash kórinipti. Biraq meniń maqsatym: birtindep órkenıetti naryqqa qol jetkizý, mundaıǵa jol bermegenimiz jón”, — dedi mınıstr.
Aıta keteıik, áleýmettik jelide tanymal ánshi Tóreǵalı Tóreáliniń óz konsertinde ersi qylyq kórsetken vıdeo tarap ketken edi.
Derekkózi: stan.kz
