Búgin QR Mádeneı jáne aqparat mınıstri Aıda Balaeva Bıyl elimizde LGBT-ny nasıahttaýǵa tyıym salýǵa qatysty petısıaǵa qatysty pikirin bildirip, oıyn ortaǵa saldy, – dep habarlaıdy Dalanews.kz.
– 10 maýsymynda QR Mádenıet jáne aqparat mınıstrligine LGBT-ny ashyq jáne jasyryn túrde nasıhattaýǵa tolyq tyıym salý týraly ótinish kelip tústi.
Bul másele qoǵamda úlken rezonans týǵyzyp, qyzý pikirtalas boldy. Óıtkeni qazirgi kezde memleket tarapynan adam quqyqtaryna kóp kóńil bólinip otyr. Sondaı-aq qazaqstandyqtar qoǵamdyq mańyzdy taqyryptardy talqylaýǵa jáne memlekettik saıasatty qalyptastyrýǵa belsendi atsalysýda.
Qazaqstanda prezıdenttik reformalar aıasynda demokratıalyq damý, adam quqyqtaryn qorǵaý jáne zań ústemdigin nyǵaıtý úshin barlyq qajetti zańnamalyq jaǵdaılar jasalǵan. Sonyń biri – petısıa ınstıtýty.
Konstıtýsıa normalaryna jáne halyqaralyq mindettemelerge sáıkes, Qazaqstan kemsitýge qarsy saıasatty júzege asyrady. Ol saıasat negizinde qoǵamda konstıtýsıalyq kepildik, janjal týdyrmaý jáne toleranttylyqtyń saqtalýyn qamtamasyz etý mindettelgen.
Qoǵamdaǵy osyndaı mańyzdy petısıany talqylaýǵa kóptegen qazaqstandyqtar qatysyp, kóterilgen máseleler boıynsha pikirler ekige jaryldy.
Jumys tobyna qoǵamnyń túrli toptarynyń arasynan 45 adam kirdi. Atap aıtqanda, quzyrly memlekettik organ ókilderi, Parlament depýtattary, qoǵamdyq birlestikter, sarapshylar men barlyq múddeli taraptar qatysty.
Osylaısha, qoǵamymnyń úlken bóligi máseleni talqylaýǵa belsendi aralasty.
Jumys tobynyń eki otyrysyn jáne aýqymdy saraptamalyq talqylaýlar ótkizý kezinde ótinish boıynsha kelip túsken eskertýler taldanyp, júıeli jumys júrgizildi. Ulttyq jáne halyqaralyq normatıvtik quqyqtyq aktilerge salystyrmaly taldaý jasaldy.
Petısıada kóterilgen máselelerdi retteýdiń halyqaralyq tájirıbesi zerdelendi. Jetekshi ulttyq ǵylymı-zertteý uıymdarymen jáne sarapshylarmen keńes ótkizildi.
Petısıa taqyryby boıynsha halyqaralyq jáne qazaqstandyq úkimettik emes uıymdar usynǵan pikirler, usynystar men dálelder, zertteý materıaldary men úndeýlerdiń barlyǵy nazarǵa alyndy.
Degenmen, bul jumys petısıa boıynsha túpkilikti sheshim qabyldaýǵa jetkiliksiz. Zertteýler men talqylaýlar qazirgi ýaqytta bul baǵyttaǵy aýqymdy jumystardy jalǵastyryp, máseleni jan-jaqty zerttep, ony retteýdiń naqty tetikterin ázirleý kerektigin kórsetti. Bul ýaqyt alady.
Degenmen, Mádenıet jáne aqparat mınıstrliginiń ustanymy – kámeletke tolmaǵandardyń quqyǵyn qorǵaý jáne qaýipsizdigin qamtamasyz etý turǵysynan petısıany ishinara qoldaý. Balalardyń jynystyq qol suǵylmaýshylyǵyna qarsy qylmystardyń ósýi aıasynda "Jasóspirimder men balalardy jynystyq qatynastardy, onyń ishinde dástúrli emes qatynastardy nasıhattaý men kúlt jasaýdan qorǵaý» talaby ózekti ári qajet.
Balalarymyzdyń qaýipsiz aqparattyq ortada ósip, damýy óte mańyzdy.
Bizdiń urpaq aldyndaǵy paryzymyz – olarǵa durys rýhanı-adamgershilik baǵyt-baǵdar berip, dástúrli otbasylyq qundylyqtardy boıyna sińirý. Sondaı-aq, ulttyq mádenı murany ustanýǵa jáne genetıkalyq kodty saqtaýǵa jaǵdaı jasaý óte mańyzdy, – dedi mınıstr Aıda Balaeva hanym.
