Muhtar Tileýberdi Syrtqy ister ministri bolyp taǵaiyndaldy, dep habarlaidy dalanews.kz.
Memleket basshysynyń Jarlyǵymen Muhtar Beskenuly Tileýberdi Qazaqstan Respýblikasynyń Syrtqy ister ministri bolyp taǵaiyndaldy, ol burynǵy atqarǵan laýazymynan bosatyldy.
Buǵan deiin Muhtar Tileýberdi Qazaqstan Respýblikasynyń Aýstriia Respýblikasyndaǵy Tótenshe jáne Ókiletti Elshisi, Qazaqstan Respýblikasynyń Vena qalasyndaǵy halyqaralyq uiymdar janyndaǵy Turaqty ókili bolǵan.
Tileýberdi Muhtar Beskenuly 1968 jylǵy 30 maýsymda týylǵan. S.M. Kirov atyndaǵy Qazaq memlekettik ýniversitetiniń filosofiia-ekonomika fakýltetin bitirgen, M.V.Lomonosov atyndaǵy Máskeý memlekettik ýniversiteti janyndaǵy Aziia jáne Afrika institýtynda jáne Iense Ýniversiteti (Korei Respýblikasy) janyndaǵy Tilder institýtynda tájiribe alǵan. Oqýdy aiaqtaǵannan keiin Ál-Farabi atyndaǵy QazUÝ-diń filosofiia tarihy jáne qytai filologiiasy kafedralarynda jumys istegen.
Diplomatiialyq qyzmetin 1993 jyly attashe laýazymynan bastady. Ortalyq apparattaǵy jumys barysynda Aziia elderi basqarmasynyń úshinshi hatshysy, Aziia departamentiniń birinshi hatshysy, Ekijaqty yntymaqtastyq departamentiniń bólim bastyǵy qyzmetterin atqardy.
Shetelde Qazaqstannyń Korei Respýblikasyndaǵy Elshiliginde ekinshi hatshy jáne Izrail Memleketindegi Elshiliginde keńesshi bolyp jumys istedi. QR Prezidentiniń Ákimshiliginde Memlekettik hatshynyń syrtqy saiasat máseleler jónindegi keńesshisi laýazymynda jumys istedi.
2003 jyly Syrtqy ister vitse-ministri bolyp taǵaiyndaldy.
2004 jyly elimizdiń Malaiziiadaǵy Elshisi jáne 2005 jyldan bastap Indoneziia Respýblikasy, Brýnei Darýssalam jáne Filippin Respýblikasyndaǵy Elshisi qyzmetin qosa atqardy.
2009 jyly Qazaqstannyń Shveitsariia Konfederatsiiasyndaǵy Elshisi bolyp taǵaiyndaldy jáne Lihtenshtein Kniazdigi men Vatikan Memleketinde Elshi qyzmetin qosa atqardy, sonymen qatar Jenevadaǵy BUU Bólimshesinde jáne basqa da halyqaralyq uiymdarda Qazaqstan Respýblikasynyń Turaqty ókili boldy.
2015 jyly Qazaqstannyń Ierýsalimdik Áýlie Ioann Egemendi Áskeri Gospitalerler Ordeni janyndaǵy, Rodostaǵy jáne Maltadaǵy qosa atqarýshy Elshisi bolyp akkreditteldi.
2016-2019 jyldary QR Syrtqy ister ministriniń Birinshi orynbasary bolǵan.
2019 jylǵy qyrkúiek aiynda QR Syrtqy ister ministri laýazymyna taǵaiyndaldy. Qazaqstannyń Aýstriiadaǵy Elshisi bolyp taǵaiyndalǵanǵa deiin 2021 jylǵy qańtardan bastap 2023 jylǵy sáýir aralyǵynda QR Premer-Ministriniń orynbasary – Syrtqy ister ministri qyzmetin atqardy.
Tótenshe jáne Ókiletti Elshi diplomatiialyq dárejesine ie.Aǵylshyn, korei tilderin meńgergen.
