Tsifrlyq damý, innovatsiialar jáne aeroǵarysh ónerkásibi ministrliginiń baspasóz hatshysy Albina Aten Baǵdat Mýsinniń otstavkaǵa ketýine qatysty pikir bildirdi, dep habarlaidy Dalanews.kz.
Tsifrlyq damý ministrligin 4 jylǵa jýyq basqarǵan Baǵdat Mýsinniń aiaq astynan otstavkaǵa ketýi kópshilikti tańǵaldyrdy. Tipti áleýmettik jelide túrli saryndaǵy qaýeset jeldei esti. Osy tusta eks-ministr basshylyq etken vedomstvonyń baspasóz hatshysy Facebook-tegi paraqshasynda jaǵdaiǵa túsinikteme berip, jalǵan aqparat taratpaýdy surady.
“Dostar, áleýmettik jelide belsendi talqylanyp jatqan keibir paiymdaýǵa túsinikteme bergim keledi. Sońǵy kúnderi BAQ pen áleýmettik jeli qoldanýshylary ministr Baǵdat Mýsinniń qyzmetten ketýin ártúrli paiymdarmen talqylap jatqanyn baiqadym. Ministrdiń otstavkaǵa ketýi onyń óz qalaýymen bailanysty. Ony óziniń resmi paraqshalarynda jazdy. Sondyqtan men sizderdi jalǵan aqparat taratpaýǵa jáne tek resmi derekkózderge senýge shaqyrǵym keledi", - dep jazdy ol.
Eske salsaq, 30 sáýirde Memleket basshysynyń Jarlyǵymen Baǵdat Mýsin QR Tsifrlyq damý, innovatsiialar jáne aeroǵarysh ónerkásibi ministri laýazymynan bosatylǵany belgili boldy. Keiin Mýsin óziniń otstavkasy týraly oiyn aitqan bolatyn.
