Endi múgedektigi bar adamdar arnaiy oryndardy onlain satyp ala alady, dep habarlaidy dalanews.kz.
Bas kólik prokýratýrasy málimetinshe, I toptaǵy múgedektigi bar adamdarǵa budan bylai arnaiy orynǵa bilet rásimdeý úshin temirjol kassalaryna barýdyń qajeti joq. Endi muny onlain jasaýǵa bolady.
"Buǵan deiin mundai múmkindik bolmaǵan edi. Bas kólik prokýratýrasynyń qadaǵalaý aktisinen keiin Kólik ministrligi múgedektigi bar jolaýshylardy avtomatty túrde sáikestendirýdi qamtamasyz etip, júieni jetildirdi", - dep jazylǵan habarlamada.
Maýsymnan bastap áleýmettik mańyzy bar poiyzdarda arnaiy oryndarǵa biletti onlain rásimdeý servisi iske qosyldy. Nátijesinde osy sanattaǵy 90 myńǵa jýyq adam temirjol biletin onlain satyp alý múmkindigine ie boldy.
