Mobildik bazaǵa 2 million adam tirkelgen
Qazaqstan Respýblikasynyń Aqparat jáne kommýnikatsiialar ministrliginiń qyzmetterdi avtomattandyrý basqarmasynyń basshysy Aset Ýaisovtyń túsindirýi boiynsha osy bazaǵa qatysý Mobildi úkimettiń usynatyn barlyq qolailyǵy men fýnktsiialaryn paidalaný múmkindigin beredi. Bul Mobildi úkimet, atap aitqanda, eGov-tyń mobildi qosymshasy bolyp tabylady.
egov.kz elektrondyq úkimet portaly nemese «Azamattarǵa arnalǵan úkimet» memlekettik korporatsiiasynyń bólimderi arqyly árbir qalaýshy Mobildik úkimettiń paidalanýshysy bola alady jáne mobildik bazaǵa tirkele alady. Ol úshin portalda avtorizatsiiadan ótý, óziniń telefon nómirin, qupiia sózin kórsetý jáne elektrondyq tsifrlyq qoltańba (ETsQ) kómegimen tirkeýdi rastaý jetkilikti.
Búgingi kúni kez-kelgen ýaqytta smartfon nemese planshet arqyly qosymsha paidalanýshylaryna 80 túrli qyzmetter men servister qoljetimdi. Onyń ishinde, mysaly mekenjai anyqtamasyn alý, balabaqshaǵa balany kezekke qoiý, salyqtardy, aiyppuldardy tóleý jáne t.b.
Al mobildi jeke kabinetke keletin bolsaq, ol jerge azamat týraly barlyq negizgi aqparat ár túrli memlekettik organdardyń derekter qorlarynan avtomatty túrde tartylyp jinaqtalady. Mysaly, paidalanýshy óz jeke kabinetinde jeke kýálik nemese tehbaiqaýdyń qoldaný merziminiń aiaqtalýy jaily jáne de JQE buzǵany úshin aiyppuldar men boryshkerlerdiń tizilimine engizýlýi týraly habarlandyrýlardy alady. Sonymen qatar, bul aqparat SMS-habarlamalary men push arnalary arqyly da keledi.
«Mysaly, siz jol qozǵalysy erejesin buzǵanyńyz úshin aiyppul týraly smartfonǵa habarlamany alǵanda ony birden eGov qosymshasy arqyly tólei alasyz. Bul shyn máninde óte yńǵaily», - deidi Ýaisov myrza.
Keibir qyzmetterdi alý úshin uialy ETsQ qoldaný qajet. Ol úshin ETsQ saqtai alatyn arnaiy SIM-kartasyn nemese sol ETsQ failyn smartfonǵa kóshirip qoldanýǵa bolady. Qazirgi kezde ETsQ jazylǵan SIM-kartalar Altel men Beeline abonentterine qoljetimdi, qalǵan operatorlar bul jańashyl servisti ózderiniń tehnikalyq ázirligine qarai eńgizbekshi. Uialy telefondy joǵaltqan jaǵdaida paidalanýshy óziniń Jeke kabinetindegi dereknamasyn buǵattai alatynyn eskere keteiik.
Qazirgi tańda, Qazaqstanda Mobildi úkimet arqyly 4,5 millionǵa jýyq qyzmet kórsetilgen bolsa, eGov qosymshasy 365 myńnan asa ret júkteldi.
