Myrzaǵali Aitjanov: "Ádilbek jeńilgen joq, taǵy da ádiletsizdik boldy"
81 kelige deiingi salmaqta óner kórsetken Niiazymbetov kýba boksshy Hýlio La Krýsqa jol berdi.
– Aqtyq synda atalǵan salmaqtaǵy álemniń eń úzdik boksshysy kezdesti. Ádilbek álsiz boksshy emes. Biraq oǵan álemniń úsh dúrkin chempiony qarsy turdy. La Krýs Ádilbekten ailasyn asyrdy dep aita almaimyn. Ol qashyp júrip urysty. Degenmen bul boks. Kýbalyqtyń keibir soqqylary kózdegen jerine tidi. Alaida Ádilbektiń soqqylary qarsylasyna qaraǵanda naqtyraq boldy. Soǵan qaramai álemniń úsh dúrkin chempionyn nokdaýnǵa jiberý ońai emestigin túsiný kerek. Óz basym Ádilbek jeńdi dep oilaimyn. Zaldaǵy kórermen de solai dep sanaidy. Kezdesýdiń tamashalaǵandardyń arasynda «Qazaqstan jeńdi» aiǵailaǵandar kóp boldy. Kórermenge alǵys aitamyn. Solai bola tura jeńis buiyrmady. Endi Ivan Dychkony daiyndaityn bolamyz.
Óz basym Ádilbekke sendim. Sol sebepti de Rioǵa alyp keldim. Ol úmitti aqtady. Kúmis medaldiń iegeri atandy, – dedi Myrzaǵali Aitjanov.
Derekkóz: vesti.kz
