Jýrnalisterge arnalǵan qalalyq «Myń jasaǵan Almaty» baiqaýynyń
EREJESI
- Jalpy bólim
- Jýrnalister arasynda ótetin qalalyq «Myń jasaǵan Almaty»baiqaýy (budan ári – Baiqaý) Qazaqstan Respýblikasy Táýelsizdiginiń 25 jyldyǵyn,Almaty qalasynyń 1000 jyldyǵyn jáne Almaty qalasynyń búgingi tynys-tirshiligin nasihattaý, jýrnalisterdiń shyǵarmashylyq áleýetin ashý jáne yntalandyrý, sondai-aq jýrnalister qaýymyn Qazaqstan Respýblikasy Prezidentiniń Bes institýtsionaldyq reformasy - Ult josparyn júzege asyrý jónindegi 100 naqty qadamdy júzege asyrý barysyn jariialaýǵa tartý maqsatynda ótkiziledi.
- Baiqaýdyń mindetteri:
- Qazaqstan Respýblikasy Táýelsizdiginiń 25 jyldyǵy men Almaty qalasynyń 1000 jyldyq mereitoiyn halyq arasynda nasihattaý;
- Ákimdik pen BAQ ókilderi arasynda seriktestik pen yntymaqtastyqty arttyrý;
- Jýrnalister nazaryn Qazaqstan Respýblikasy Prezidentiniń Bes institýtsionaldyq reformasy - Ult josparyn júzege asyrý jónindegi 100 naqty qadamnyń iske asyrylý barysyn jariialaýǵa aýdarý.
- Jeńimpazdardy anyqtaý jáne diplomdar tapsyrý qala kúni merekesimensabaqtastyrylady.
- Jeńimpazdardy aiqyndaý jáne syilyqtardy taǵaiyndaý Baiqaý komissiiasynyń sheshimimen júzege asyrylady.
- Baiqaý komissiiasynyń quramyna belgili jýrnalister, úkimettik emes uiymdardyń ókilderi, qala ákimdiginiń qyzmetkerleri kire alady.
- Baiqaý komissiiasy syilyqalýǵa talpynýshylar men diplomdar alýshylardy irikteý barysynda kelesi sharttardy basshylyqqa alady:
- materialdardyń obektivtiligi;
- kásibilik jáne mazmundai sheberligi;
- máseleniń qoiylýy jáne ony jan-jaqty ashyp kórsetý;
- materialdar týǵyzǵan qoǵamdyq rezonans;
- jumystardyń shyǵarmashylyq tolymdyǵy;
- kóterilgen máselelerdiń ózektiligi jáne shyǵarmashylyq taldanýynyń tereńdigi.
- Baiqaýdy ótkizýdi úilestirý.
Baiqaýdy ótkizý jumysyn úilestirý Almaty qalasy ákimidiginiń janynan qurylǵan uiymdastyrý komitetine (budan ári – Uiymdastyrý komiteti) júkteledi.
- Ashyqtyq.
Osy Ereje baiqaýǵa qatysýǵa úmitkerlerge, qyzyǵýshylyq tanytýshy tulǵalardyń barlyǵyna tanysý úshin usynylady. Ereje BAQ-ta jariialanady.
- Baiqaýǵa qatysý sharttary
- Baiqaýǵa qatysýshylar.
Baiqaýǵa qatysýǵa respýblikalyq jáne jergilikti deńgeidegi barlyq BAQ-tar men jýrnalister shaqyrylady.
- Usynylatyn jumystardyń taqyryby.
Baiqaýǵa qatysýǵaQazaqstan Respýblikasy Táýelsizdiginiń 25 jyldyǵy men Almaty qalasynyń 1000 jyldyǵyna arnalyp jazylǵan, Almaty qalasynyń jetistikteri men tynys-tirshiligi týraly maqalalar, Ult jospary - Bes institýtsionaldyq reformany júzege asyrý jónindegi 100 naqty qadamynyń iske asyrylý barysy, Elbasy N.Á. Nazarbaevtyń alǵa qoiǵan kókeikesti mindetterinińjúzege asýy týraly jáne taǵy basqa materialdar qabyldanady.
2016 jylǵy 28 maýsymnan 2016 jylǵy 5 qyrkúiekke deiin jariialanǵan nemese efirge shyqqan materialdar, sondai-aq jariialanymdar men baǵdarlamalar tsiklderi, túrli janrlardaǵy ocherk, suhbat, maqala, televiziialyq jáne radio baǵdarlamalar, jýrnalistik zertteýler jáne taǵy basqalar qabyldanady.
- Baiqaýǵa usynylatyn materialdarǵa qoiylatyn talaptar:
Jariialanymdar túpnusqa nemese materialdardyń kserokóshirmesi túrinde (basylymnyń ataýy, kúni jáne avtormen bailanys jasaý málimetteri tolyq kórsetile otyryp) usynylýy tiis.
Dybystyq-vizýaldy jumystar efirlik anyqtamamen birge televiziialyq baǵdarlamanyń kóshirmesi túrinde (cd/dvd diskilerinde, flash-tasymaldaýshylarynda) usynylýy tiis.
Elektrondyq BAQ jýrnalisteri jariialanǵan materialdardyń kóshirmesin internet-saitta ornalastyrylǵanyn rastap joldaýy qajet.
Materialdar memlekettik jáne orys tilderinde qabyldanady. Baiqaýǵa materialdardy qabyldaýdyń sońǵy kúni – aǵymdaǵy jyldyń 5 qyrkúiegi (alynatyn kún).
Usynylatyn materialdarǵa BAQ pen jýrnalist týraly qysqasha ómirbaiandyq aqparat, 3h4 sm. sýreti, aqparattyq materialdar tizimiqosa beriledi.
- Baiqaýǵa usynylatyn jumystardyń sany.
Bir BAQ ne jýrnalist usynatyn materialdardyń sany 5-ten aspaidy.
- Jumystar baiqaýdyń Uiymdastyrý komitetine habarlandyrýda kórsetilgen merzimnen keshiktirilmei usynylady. Baiqaý taqyrybyna sáikes emes jáne talaptarǵa sai kelmeitin materialdar, usyný merzimi aiaqtalǵannan keiin kelip túsken jumystar baiqaýǵa jiberilmeidi. Baiqaýǵa usynylǵan materialdar qaitarylyp berilmeidi.
III. Baiqaýdyń ótý kezeńderi
- Alǵashqy kezeń.
Respýblikalyq jáne jergilikti BAQ-ta baiqaýdy ótkizý týraly jáne oǵan qatysý sharttary týraly habarlandyrý jariialanady jáne baspasóz konferentsiiasy ótkiziledi.
- Baiqaýdy ótkizýdiń negizgi kezeńi.
Baiqaý materialdary baiqaýdy Uiymdastyrý komitetiniń mekenjaiyna 2016 jylǵy 5 qyrkúiekke (qosyp alǵanda) deiin kelip túsedi. Baiqaýǵa berilgen ótinishterdi qaraýdyń reglamentin Baiqaý komissiiasy belgileidi. Baiqaý komissiiasy óz jumysynyń nátijesi boiynsha baiqaý laýreattaryn aiqyndaidy.
- Qorytyndylaý.
Jeńimpazdardy jariialaý kelesi nominatsiialar boiynsha baiqaýdy jalpy qorytyndylaý aiasynda iske asyrylady:
- Úzdik videosiýjet;
- Úzdik radio-siýjet;
- BAQ-taǵy úzdik jariialanym;
- Internet-resýrstardaǵy úzdik jariialanym;
- Aqparattyq agenttikterdiń lentalarynda jariialanǵan úzdik material;
- Úzdik fotomaterial;
- Úzdik jas jýrnalist;
- Úzdik bloger.
- Baiqaý materialdaryn baǵalaý jáne irikteý protsedýrasy
- Baiqaý materialdaryn baǵalaý barysynda kelesi sharttar nazarǵa alynady: belgilengen taqyrypqa sáikestik; jańashyldyq; máseleni taldaýdyń tereńdigi; naqtylyq pen logikalyq negizdelýi; mazmundaý stili men tili, tehnikalyq sapasy; avtorlyq tujyrymdamanyń derbestigi; jariialanymda nemese dybystyq-vizýaldyq jumysta mazmundalǵan aqparattyń naqtylyǵy men shynaiylyǵy; jýrnalistikanyń etikalyq printsipterine sáikestigi; syrtqy bezendirilýi.
- Uiymdastyrý komitetiniń quqyqtary men mindetteri
- Uiymdastyrý komiteti:
- baiqaý týraly osy erejeniń talaptaryna sáikessizdikterdi negizge ala otyryp, úmitkerdi baiqaýǵa qabyldamaýǵa;
- qandai da bir úmitkerge qatysty baiqaý komissiiasynyń múshesi óz ókilettikterin asyra paidalanǵany anyqtalǵan kezeńde baiqaý qorytyndylaryn joqqa shyǵarýǵa quqyly.
- Uiymdastyrý komitetiniń mindetteri:
- barlyq qatysýshylar úshin teń jaǵdai jasaý;
- baiqaýdy ótkizýdiń jariialylyǵyn qamtamasyz etý;
- baiqaýdyń nátijeleri týraly málimetterdiń ýaqytynan buryn jariia etilýine jol bermeý.
- Baiqaý komissiiasynyń quqyqtary men mindetteri
- Baiqaý komissiiasy mynalardy iske asyrýǵa quqyly:
- baiqaýǵa túsken materialdarǵa baǵa berý;
- jeńimpazdarǵa syilyqtar taǵaiyndai otyryp, baiqaýdy qorytyndylaý.
- Baiqaý komissiiasynyń mindetteri:
- barlyq qatysýshylar úshin teń jaǵdai jasaý;
- baiqaýdyń nátijeleri týraly málimetterdiń ýaqytynan buryn jariia etilýine jol bermeý;
Baiqaý komissiiasy múshesiniń baiqaýǵa qatysýyna jol berilmeidi.
- Qatysýshylardyń quqyqtary, mindetteri men jaýapkershiligi
- Baiqaýǵa qatysýshylar mynalardy iske asyrýǵa quqyly:
- baiqaýdyń ótý sharttary men tártibi týraly aqparattar alý;
- uiymdastyrý komitetinen osy Erejeniń tarmaqtaryna túsindirýdi suraý;
- baiqaýǵa qatysý úshin materialdar joldaý.
- Baiqaýǵa qatysýshylardyń mindetteri:
- baiqaýdyń mán-jaiymen aldyn-ala tanysý, baiqaýǵa qatysý úshin qoiylatyn talaptardy zertteý;
- osy Erejeniń talaptaryna sáikes rásimdelgen materialdardy ýaqytyly usyný;
- osy Erejede qarastyrylǵan erejeler men protsedýralardy saqtaý.
- Baiqaýǵa qatysýshylar kelesiler úshin jaýapty:
- materialdar men túiindemede kórsetilgen aqparattardyń shynaiylyǵyna qoiylatyn talaptardy buzǵany úshin;
- osy Erejede belgilengen sharttardy, erejeler men rásimdeýlerdi saqtamaǵany úshin.
- Media resýrstar
- Baiqaýǵa aqparattyq qoldaý jasaýdy ákimdiktiń media-resýrstary men aqparattyq seriktestikteri qamtamasyz etedi.
- Uiymdastyrýshy týraly bailanys aqparaty
- Baiqaýǵa materialdar myna meken-jai boiynsha qabyldanady: Almaty qalasy, Jandosov kósh. 1/1,(Baizaqov kóshesiniń qiylysy) tel.: +7 7272 50 23 55, «Jeruiyq» qoǵamdyq birlestigi, elektrondyq poshta: jeruik.almaty@mail.ru.
