Májilis depýtaty Pavel Kazansev Qazaqstandaǵy kıikterdiń kóbeıýine qatysty jaǵdaıdy soǵys jaǵdaıymen salystyryp, janýarlardy jappaı qyrýdy usyndy, dep habarlaıdy Dalanews.kz.

– Bul soǵys emes, bul – shaıqas! Jáne oǵan birden kirisý kerek! Ár aýyl myltyǵyn alyp, shyǵyp ata berýi kerek, – dedi depýtat.

Kazansevtiń pikirinshe, kıikterdi joıý úshin «bas shtab» quryp, olardyń tushalaryn et kombınattaryna tasyp, qajet bolsa, zańdardy ózgertý qajet.

Sonymen qatar, ol kıik etin halyqqa tegin taratý, jekemenshik ań aýlaýǵa ruqsat berýdi usyndy. Ǵylymı qaýymdastyqtyń janýarlardy qorǵaý jónindegi tujyrymdaryn da synady:

– Biz tek anyqtamalarmen tyǵylyp júrgen mańyraǵan otarmyz. Al bul – tótenshe jaǵdaı! – dedi depýtat.

Aıta keteıik, buǵan deıin prezıdent Qasym-Jomart Toqaev kıikterdi Qazaqstandaǵy kıeli janýarlar qataryna jatqyzǵan bolatyn.