2014 jyly iske qosylǵan kásiporyn jylyna 1.5 myń tonna balyq óndirýge qaýqarly. Quny 600 mıllıon teńgeni quraıtyn irgeli kásiporynda búgingi kúni jetpiske tarta adam tynbaı eńbek etse, olardyń basym kópshiligi jergilikti jerdiń turǵyndary. Byltyr kásiporyn 615,7 tonna balyq ónimderin óndiripti. Sondaı-aq, atalmysh zaýyt bıyl balyq chıpsteri men kotletterin eksportqa shyǵaryp, múmkindikterin arttyra túsken.
Budan soń oblys ákimi Myńaral aýylyndaǵy «Jambyl óndiristik sement kompanıasy» JSHS-na at basyn buryp, ondaǵy jumys aýqymymen tanysty. Jeti jyl buryn iske qosylǵan alyp zaýyt jylyna 1,2 mln. tonna sement óndirýge qaýqarly. Quny 8,2 mlrd. teńgeni quraǵan óndiris orynda 286 adam turaqty jumys jasaıdy. Údemeli ındýstrıaldy-ınovasıalyq damý baǵdarlamasy aıasynda iske qosylǵan zaýyt byltyr 1348,1 myń tonna sement óndirse, bıylǵy jyly eki aı kóleminde 512,0 mln. teńgegeniń ónimin óndirgen. Qýatty zaýyttyń qaýqarly jumysyn kózimen kórgen oblys ákimi K. Kókirekbaev jumys ónimdiligin áli de shırata túsý qajettigin jaýaptylarǵa tapsyrdy. Sondaı-aq, aımaq basshysy Hantaý aýylyndaǵy «AGIG» AQ-nyń sement zaýytyna da aıaldady. Jobalyq quny 8,2 mlrd. teńgeni quraıtyn óndiris ornynda búgingi kúni 286 adam eńbek etýde. Jylyna 500 myń tonna sement óndiretin zaýyt byltyr 271,0 myń tonna sement óndirse, ústimizdegi jyldyń eki aıynda 549,3 mln. teńgeniń ónimin enseripti.
İs-sapar barysynda aımaq basshysy Shyǵanaq, Birlik, Moıynqum aýyldarynda da bolyp, ondaǵy áleýmettik nysandardyń jumysymen jan-jaqty tanysty. Sonymen qatar, óndiris salasyna baılanysty birqatar memorandýmdarǵa qol qoıylyp, qorytyndy aktıv jıynynda oblys ákimi Moıynqum aýdanynyń ákimi B. Núrkenovke salalyq baǵdarlamalar boıynsha arnaıy tapsyrmalar berdi.
Oblys ákiminiń baspasóz qyzmeti
