Qazaqstandyq tanymal vainer ári akter Meiirjan Tórebaev bostandyqqa shyǵyp, otbasymen qaýyshty. Bul týraly aqparat áleýmettik jelilerde taralyp, kópshilik arasynda qyzý talqylanýda, dep habarlaidy Dalanews.kz
Bostandyqqa shyqqannan keiin ol óziniń áleýmettik jelidegi paraqshasynda jaqyndarymen qaýyshqan sátten video jariialap, oǵan: «Basqalarǵa mahabbatyńdy bere bilý. Eń qarapaiym sátterden qýanysh pen lázzat tabý» degen jazba qaldyrǵan. Jeli qoldanýshylary bul sátti jyly qabyldap, túrli pikir bildirýde.
Eske sala keteiik, 2022 jyldyń 10 aqpanynda Meiirjan Tórebaev, Meiirhan Sherniiazov jáne Azimjan Saidbaev qarjy piramidasyna qatysty is boiynsha kúdikke ilingen edi. Tergeý nusqasyna sáikes, olar Mudarabah Capital qarjy piramidasyn jarnamalap qana qoimai, onyń qyzmetinen tabys tapqan degen aiyp taǵylǵan.
Alaida Tórebaev óz kezeginde videoúndeý jasap, ózin de jábirlenýshi retinde tanystyryp, atalǵan qarjy piramidasynan eshqandai paida kórmegenin málimdegen bolatyn. Sondai-aq ol Qarjy naryǵyn retteý jáne damytý agenttigi bul uiym týraly 2020 jyly-aq eskertý jasaǵanyn da aitqan.
2022 jyldyń 20 sáýirinde Meiirjan Tórebaev pen Meiirhan Sherniiazov qamaýǵa alynyp, al 2023 jyldyń 23 maýsymynda sot úkimimen bes jylǵa bas bostandyǵynan aiyrylǵan edi.
Aita keteiik, 2025 jyldyń 3 shildesinde Meiirhan Sherniiazovtyń da merziminen buryn bostandyqqa shyqqany habarlanǵan bolatyn.
Qazirgi ýaqytta Meiirjan Tórebaevtyń aldaǵy jospary belgisiz. Degenmen, onyń shyǵarmashylyq qyzmetke qaita oralýy múmkin ekeni aitylýda.
