Kairat Joldybaiuly úndeýin Facebook-tegi paraqshasyda jariialady. Ol "Nur-Múbarak" meshitiniń qaraýyly bala zorlady" dep tarap jatqan aqparatqa túsinik berýdi jón sanadym" deidi.
"Osy aqparattan keiin áleýmettik jelilerde meshit qyzmetkerlerin kinalaityn túrli teris pikir tarap ketti. Birinshide, bala zorlady degen derek áli naqtylanǵan joq. Ekinshiden, bul oqiǵanyń "Nur-Múbarak" meshiti jáne jataqhanamen tikelei qatysy joq ekenin aitqym keledi. Sebebi atalǵan ǵimarattar 6 gektar jerde ornalasqan, osyndai úlken aýmaqty kúzetý úshin "Nur-Múbarak" ýniversiteti arnaiy litsenziiasy bar kúzet agenttigimen aqyly negizde kelisimshartqa otyrǵan. Sondyqtan osy aýmaqty kúzetý isi agenttiktiń moinynda", - deidi ol.
Imamnyń sózinshe, oqiǵa bolǵan kezdiń ózinde, jaýapkershilik kompaniia qyzmetkerleriniń moinynda ekenin aitty. Sondyqtan ol bul máselege qatysty meshitti, onyń qyzmetkerlerin kinalaý, olar jaily teris pikir jazý, aqparat taratý orynsyz dedi.
Keiin Almaty ortalyq meshitiniń baspasóz qyzmeti ókilderi bul oqiǵa "Nur-Múbarak" meshitinde bolmaǵanyn, al zorlady degen kúdikpen ustalǵan er adam kúzetshi emesin málimdedi.
"Nur-Múbarak" ýniversitetin jáne oqý ornyna qatysty nysandardy "Skimen.KZ" kompaniiasynyń qyzmetkerleri kúzetedi. Kúdikti "Skimen.KZ" kompaniiasynyń qyzmetkeri", - delingen habarlamada.
Eske salaiyq, Almatyda meshit kúzetshisi 18 jastaǵy jigitti zorlady degen kúdikke ilinip, ustalǵany habarlanǵan edi. Bul týraly advokat Aiman Omarova Facebook-te jazdy. Onyń sózinshe, Oqiǵa "Nur-Múbarak" meshitinde bolǵan, al 18 jastaǵy jigittiń damýynda kidiris bar, alaida ózi júrip-tura alady.
"Ol er adam meshittegi bólmesine kirgizip, qol-aiaǵyn bailap, uzaq ýaqyt ustaǵanyn jáne zorlyq-zombylyq áreketter birneshe ret jasaǵanyn aitty. Politsiia basqarmasy mundai adamdy bosatqaly otyr. (...) Jigit ony birden tanydy. Munyń bári óte qiyn. Mundai jaǵdaidyń meshitte bolǵany ókinishti. Ol balanyń sóileý qabileti nasharlaý ekenin túsinip, ony paidalanǵan", - dedi Omarova.
