QR Mádeniet jáne aqparat ministrligi jyl saiyn ótetin «Mereili otbasy» ulttyq konkýrsyna qatysýǵa ótinimderdi qabyldaý bastady, – dep habarlaidy Dalanews.kz QR Mádeniet jáne aqparat ministrliginiń baspasóz qyzmetine silteme jasap.
Baiqaý adamgershilik qasietterdi jandandyrýǵa, otbasy mártebesi men qundylyqtaryn arttyrýǵa baǵyttalǵan.
Eńbek pen sportta, shyǵarmashylyq jáne ziiatkerlik salalarda, ǵylym men ónerde jetistikteri bar otbasylar, sondai-aq qoǵamdyq paidaly qyzmetke belsendi aralasatyn otbasylar qatysa alady.
Konkýrsqa qatysýǵa ótinimder 15 mamyrdan 15 maýsymǵa deiin óńirlik komissiialarda qabyldanady.
Baiqaý eki kezeńde ótedi:
Aýdandyq (qalalyq) kezeń (15 maýsymnan 30 maýsymǵa deiin).
Oblystyq (respýblikalyq mańyzy bar qalalar men astana) kezeń (30 maýsymnan 15 shildege deiin).
«Mereili otbasy» ulttyq konkýrsynyń laýreaty ataǵy Qazaqstannyń barlyq óńirlerinen úzdik dep tanylǵan 20 otbasyǵa beriledi. Konkýrs laýreattaryn saltanatty marapattaý rásimi Astana qalasynda ótedi.
Osy jyldar ishinde konkýrsqa Qazaqstannyń barlyq óńirlerinen 20 myńnan astam otbasy qatysty. Biyl qatysýǵa niet bildirgender óz ótinimderin óńirlik komissiialarǵa jibere alady.
Tolyq aqparat: +7 (7172) 74-13-47, 74-01-62.
