ق ر مادەنيەت جانە اقپارات مينيسترلىگى جىل سايىن وتەتىن «مەرەيلى وتباسى» ۇلتتىق كونكۋرسىنا قاتىسۋعا وتىنىمدەردى قابىلداۋ باستادى، – دەپ حابارلايدى Dalanews.kz ق ر مادەنيەت جانە اقپارات مينيسترلىگىنىڭ باسپا ءسوز قىزمەتىنە سىلتەمە جاساپ.

بايقاۋ ادامگەرشىلىك قاسيەتتەردى جانداندىرۋعا، وتباسى مارتەبەسى مەن قۇندىلىقتارىن ارتتىرۋعا باعىتتالعان.

ەڭبەك پەن سپورتتا، شىعارماشىلىق جانە زياتكەرلىك سالالاردا، عىلىم مەن ونەردە جەتىستىكتەرى بار وتباسىلار، سونداي-اق قوعامدىق پايدالى قىزمەتكە بەلسەندى ارالاساتىن وتباسىلار قاتىسا الادى.

كونكۋرسقا قاتىسۋعا وتىنىمدەر 15 مامىردان 15 ماۋسىمعا دەيىن وڭىرلىك كوميسسيالاردا قابىلدانادى.

بايقاۋ ەكى كەزەڭدە وتەدى:

اۋداندىق (قالالىق) كەزەڭ (15 ماۋسىمنان 30 ماۋسىمعا دەيىن).

وبلىستىق (رەسپۋبليكالىق ماڭىزى بار قالالار مەن استانا) كەزەڭ (30 ماۋسىمنان 15 شىلدەگە دەيىن).

«مەرەيلى وتباسى» ۇلتتىق كونكۋرسىنىڭ لاۋرەاتى اتاعى قازاقستاننىڭ بارلىق وڭىرلەرىنەن ۇزدىك دەپ تانىلعان 20 وتباسىعا بەرىلەدى. كونكۋرس لاۋرەاتتارىن سالتاناتتى ماراپاتتاۋ ءراسىمى استانا قالاسىندا وتەدى.

وسى جىلدار ىشىندە كونكۋرسقا قازاقستاننىڭ بارلىق وڭىرلەرىنەن 20 مىڭنان استام وتباسى قاتىستى. بيىل قاتىسۋعا نيەت بىلدىرگەندەر ءوز وتىنىمدەرىن وڭىرلىك كوميسسيالارعا جىبەرە الادى.

تولىق اقپارات: +7 (7172) 74-13-47، 74-01-62.