– Úkimetke jáne prezident ákimshiligine mereke kúnderine qatysty qoldanystaǵy tártipti qaita qaraýdy tapsyrdym. Eger meiram kúni jeksenbige sáikes kelse, kelesi kún demalys bolyp sanalady. Kelesi kún (dúisenbi) barlyq memlekettik qyzmetshiler úshin jumys kúni bolýy tiis, – dep jazdy prezident.
Qazaqstandyqtar naýryzda 8 naýryz jáne Ulystyń uly kúni meiramdarynda demalady. Mereke kúninen keiingi dúisenbi demalys sanalady.
Biyl 8 naýryz – Halyqaralyq áielder kúni jeksenbige túsip turǵandyqtan, 9 naýryz – dúisenbi demalys bolady. Osylaisha 3 kún qatarynan demalys beriledi.
21-23 naýryzda elimizde úsh kún Naýryz meiramy toilanady. Bul merekeniń eki kúni – 21 jáne 22 naýryz demalys kúnderine túsetindikten, aptasyna bes kún jumys isteitinder 5 kún qatarynan (21-25 naýryzda) demalý múmkindigine ie bolady.
Sonymen, 1, 14, 15, 28 jáne 29 naýryzdaǵy barlyq demalys kúnderin qosa alǵanda qazaqstandyqtar kóktemniń alǵashqy aiynda 13 kún demalady.
